مقالات

هل تعتقد ان اكس بوكس ون لا زال عنده الفرصة لمنافسة بلايستيشن 4؟

ps4xboxone

أعلنت مجموعة NPD عن أرقام مبيعات الأجهزة المنزلية وألعابها خلال الشهر الماضي، ومثل ماهو متوقع، بلايستيشن 4 هو المتصدر.

هذي ماهي أول مره يتصدر فيها بلايستيشن 4 المبيعات الشهرية، سواءً في أمريكا أو غيرها. الفارق في المبيعات بين الجهازين ماحد يعرفه بالضبط، لكن بكل تأكيد بلايستيشن 4 يتصدر بفارق كبير، ولو ان اكس بوكس ون لكن له لحظاته اللي انتصر فيها.

حتى بالنسبة للشركتين المصنعة، الغالبية يعرفون ان بلايستيشن 4 جلب ولا زال يجلب أرباح هائلة لسوني، عكس اكس بوكس ون اللي مايكروسوفت ما تكلمت عنه بشكل صريح، وهذي احتمال تكون اشارة غير مطمئنة.

حتى من ناحية أداء الألعاب، بلايستيشن 4 تفوّق على اكس بوكس ون في كثير من الألعاب اللي نزلت على الجهازين. تقريبًا صار شي طبيعي اننا نسمع عن أي لعبة انها بتشتغل بدقة ووضوح 1080p على بلايستيشن 4، بينما دقة اللعبة تكون أقل على اكس بوكس ون. الفارق هذا قد يكون بسيط بالنسبة للبعض، لكنه ممكن يفرق مع الناس اللي عندهم شاشات كبيرة، تقريبًا فوق 55 انش.

على كل هذي المعطيات اللي تشوفها، هل تعتقد ان اكس بوكس يقدر ينافس بلايستيشن 4؟ لا زال الجيل في بدايته، ولكن حسب ما نشوف ان المعركة قد تكون انحسمت لصالح بلايستيشن. احتمال أكون غلطان، لذلك فتحنا باب النقاش.

شاركنا صوتك ورأيك في الموضوع، ولا تنسى اننا في الأخير نبغى نفتح موضوع نتناقش فيه، واننا في الأخير كلنا جيمرز ونحب الجيمز 🙂

هل تعتقد ان اكس بوكس ون لا زال عنده الفرصة لمنافسة بلايستيشن 4؟

مشاهدة النتائج

جاري التحميل ... جاري التحميل ...

الوسوم
اظهر المزيد

محمد الشريف

كاتب ومدير تحرير موقع سعودي جيمر. أعشق ألعاب الفيديو من يومي صغير (ايه كلنا كذا)، أحب ألعاب التخفّي والرعب، وأعشق سلسلة Metal Gear ولعبة Silent Hill وICO.
إغلاق