ناصر الغامدي
في هذه الأيام كثرت إضافات الألعاب أو ما يسمى بـ(DLC) وهي اختصار لكلمة downloadable content ويعني محتويات قابلة للتحميل وغالبًا ما تكون هذي الإضافات بفلوس، وطبعًا تختلف هذه الإضافات من لعبة لأخرى، فأحيانًا تكون إضافة في قصة اللعبة وأحيانًا تكون إضافة خرائط او أطوار في Multiplayer أو حتى كأسلحة اضافية.
الإيجابيات
لهذي الإضافات إيجابيات ، خاصة إذا جت للمطور أفكار للعبة وهي قد نزلت فيجعلها كإضافة للعبة بحيث يكسب من وراها وفي نفس الوقت يمتع اللاعب أو ممكن حتى يشيل أشياء جانبية في اللعبة ويخليها DLC.
بالنسبة للـ (Multiplayer) إذا طفشت من الخرائط أو الأطوار الموجودة فتقدر تشتري DLC وتاخذ خرائط وأطوار جديدة تزيد متعتك للعبة أو حتى ممكن تحصل على أسلحة وألوان جديدة و مزايا في الأونلاين مثل ما تسوي Call of duty كل سنة
وطبعًأ زي ما قلنا الإضافات تختلف من لعبة لأخرى فممكن بعد تعطيك ملابس وشخصيات جديدة مثل ما يصير مع Assassin’s creed black flag، وزي هذي الإضافات ممكن تحيي اللعبة من جديد وترجع تلعب اللعبة من جديد مثل إضافات battlefield 3 اللي كان يميزها رخصها مقارنة بالأشياء اللي يعطوك اياها في الإضافة الوحدة
أما بالنسبة لاضافات القصة، فتعطيك هذي الإضافات جرعة إضافية من القصة بحيث تفتح لك خفايا ما كنت تعرفها وممكن تكون شي جانبي ما له دخل في القصة الأساسية وأقرب مثال إضافة The last of us
السلبيات
كل شي له ايجابيات وفي نفس الوقت له سلبيات فالإضافات تختلف عن بعضها فمنها الممتاز ومنها الخايس
ففي الـ (Multiplayer) مشكلتها أنها ممكن تجعل المطور يوفر بعض الأفكار من أطوار أو خرائط أو أسلحة بحيث تصير قليله في اللعبة نفسها، وبعد نزول اللعبة يبدأ ينزلها كإضافة ويكسب من وراها وفي النهاية تطيح في راس اللاعب
مثل battlefilde4 بدل ما تكون الأطوار كثيره بالعكس قللوا منها في اللعبة الأساسية وحطوها في الإضافات وحتى فيه بعض الأطوار نزلت في battlefilde3 شالوها وحطوها كإضافة في battlefilde4
أما القصة فبعض المطورين يستغلوا حب اللاعب للعبة ويحذف بعض التشابترات اللي في اللعبة وينزلها كإضافة وهذا مثل اللي حصل في assassin’s creed ، أو ممكن ينهي اللعبة في منطقة معينة ويقول لك تبغى تكمل أشتر الإضافة !!
يعني بشكل مختصر المفروض أن هذي الإضافة تكون في اللعبة من الأساس وما يحتاج تخلي اللاعب يدفع مره ثانية، ولا ننسى اللي يسمى بالسيزون باس اللي يعطيك كل الإضافات مقابل مبلغ يصل إلى 50$ وممكن تكون بعضها ما تستاهل هذا المبلغ، وفي النهاية تجد سعر اللعبة تعدى 100$ وهذا بسبب الإضافات.
الي حبيت اقوله هو أن الإضافات تختلف من لعبة للعبة فبعضها يكون رهيب والبعض ما يكون ذاك الزود. أول ما كانا نشوف DLC كثير بس الحين صارت أي لعبة لازم لها DLC ، أنا ما عندي مشكلة بس أهم شي لا يشيل المطور جزء من متعة اللعبة ويخليها في الإضافة ، والشي اللي أخافه هو أن الألعاب بعدين ما تصير كاملة الا بالإضافات، وذي صورة توضح اللي أنا أقصده:
ما رأيك أخي القارئ هل فعلًا الإضافات أصبحت شيء ضروري في أي لعبة؟ وهل أنت من النوع اللي دائمًا يشتري إضافات الألعاب ، ولا لك شروط ومقاييس تعتمد عليها قبل تشتري أي إضافة ؟ شاركنا برأيك
ختامُا: أتمنى أني وفقت في مقالتي الأولى والسلام عليكم ورحمة الله وبركاته ..
بارعة
احمد خالد
