مشهور الدبيان
اعلنت سوني عن استحواذها على خدمة Gaikai (قايكاي) مقابل 380 مليون دولار.
للي ما يعرف الخدمة، هذي الخدمة تسمح لك تشغّل الالعاب على جهاز عند الشركه (سيرفر) وتلعبها من جهازك عن طريق الانترنت. فمع انك ما تحتاج تحمل اللعبه على جهازك، الا انك تحتاج اتصال انترنت ثابت وسريع عشان تلعب اللعبه بشكل ثابت وبدون تقطيع. الخدمه فكرتها زي خدمة OnLive.
سوني ما وضحّت بالضبط وش تبي تسوي بالخدمة. هل هي بتكون شي اضافي؟ هل هي بتسمح انك تشغل العاب بلايستيشن 3 على الفيتا؟ هل جهازهم الجاي بيعتمد بشكل اساسي عليها؟ محد يدري.
وش تعتقد ان سوني ناويه تسوي بهالخدمه؟ وهل تشوف انه الاستحواذ كان خطوه في الاتجاه الصحيح من سوني او لا؟
شاركنا برأيك في التعليقات. بنذكر أبرز الآراء المطروحه في الحلقة القادمة من البودكاست ان شاءالله.
أحمد عصام
أيمن اليغشي