انتهى بيتا ديستني قبل يومين، انتهى بعد ما لعبها ملايين اللاعبين حول العالم.
البيتا هذا بالذات يختلف عن أي بيتا قبله لأسباب كثيرة، أولها العدد الهائل اللي لعبها لدرجة اني ما شفت احد أعرفه الا وقدر يحصل على كود عشان يلعبها، بالاضافة الى ان البيتا صار مفتوح للكل بعد كم يوم.
مشروع اللعبة من أكبر مشاريع ألعاب الفيديو على مر التاريخ، بحيث راح يكلف المشروع (مشروع ديستني بالكامل وليس ديستني فقط) حوالي 450 مليون دولار. مشروع كبير جداً، وكثير من اللاعبين حول العالم يتساءل: هل اللعبة الهائلة هذي.. بتنجح؟
تناقشنا عن البيتا بعد يومين أو ثلاثة من فتحها، وطلعنا بآراء ممتازة. لكن هدف الموضوع ذاك كان اثارة النقاش بين اللاعبين، وش اللي أعجبك ووش اللي ما أعجبك. لكن اليوم نبغى رأيك تجاه تجربتك في البيتا بشكل عام، وهل هي أعجبتك أو لا.
بعد ما شفنا البيتا وقدرنا نجرب اللعبة، الكل قدر يحدد رأيه (ولو بشكل أولي) تجاه اللعبة، وهل هي أعجبته أو لا. نبغاك تشاركنا صوتك ورأيك في التعليقات!
