محمد الشريف
تسربت بعض التقارير اللي تزعم ان الجزء الثاني من لعبة ذا لاست أوف أس فعلاً موجود، وان احتمال ان Neil Druckmann مخرج اللعبة أعلن عنها بشكل غير مقصود. الكلام يحتاج الى تحليل، وبنترك التحليل لكم.
قبل لا ندخل تصريح نيل دركمان، لازم نذكر انه قد تكلم عن احتمالية تطوير الجزء الثاني في أحد المقابلات بحيث قال ان فرص تطوير جزء ثاني للعبة هو 50%، وان ستديو التطوير الى الآن ما قرر هل يسوي جزء ثاني أو لا.
بالنسبة للمصادر، فيقولون ان فيه سؤال تم توجيهه لنيل دركمان في حدث PAX، وهو عن امكانية وجود محتوى زيادة للعالم حق اللعبة. جاوب نيل دركمان وقال: “ممكن يكون فيه محتوى زيادة. حنا حالياً نجرب بعض الأفكار، لكن الى الآن ما فيه توجّه اخترناه للعبة الجاية“.
اللعبة الجايه أو next game. هذي الكلمة اللي حللتها بعض المواقع وطارت فيها، وقالت ان هذا تأكيد غير مباشر للجزء الجاي من اللعبة. غير كذا نيل دركمان قال بعدها: ” ذا لاست أوف أس 2 الآن في مرحلة التخطيط”.
هذي الجملتين هي اللي خلّت بعض المواقع ياخذون كلام نيل على انه تأكيد للجزء الجاي للعبة ذا لاست أوف أس.
وش تحليلك أنت لكلام نيل دركمان؟ شاركنا في التعليقات.
احمد خالد
بارعة
