أحمد قربان
شركة كابكوم (Capcom) كشفت عن تفاصيل النسخة الخاصة من لعبة ديفل ماي كراي 4 (Devil May Cry 4: Special Edition) اللي راح تنزل على اجهزة الجيل الجديد.
اللعبة راح تنزل على البي سي و الاكس بوكس ون والبلايستيشن 4 بوضوح 1080p و ب 60 اطار للثانية. اللعبة راح تحتوي على 3 شخصيات جديدة تقدر تلعب فيها وهي: فيرجل (Vergil)، ثريش (Thrish) و ليدي (Lady)، طبعا الشخصيات الرئيسية مثل نيرو (Nero) و دانتي (Dante) راح تكون موجودة ايضا.
كتبت كابكوم في مدونتها: “فيرجل راح يكون عنده مجموعة ضربات خاصة تم وضعها على اساس ضرباته الخاصة الموجودة بجزء ديفل ماي كراي 3. مع عناصر فيرجل الموجودة بديفل ماي كراي 3 راح تصير شخصية فيرجل في افضل شكل لها في النسخة الخاصة من لعبة ديفل ماي كراي 4، ايضا فيرجل راح يكون عنده ميكانيكية تركيز خاصة فيه، راح تساعده في جعل ضرباته الهجومية اقوى كل ماقاتل بشكل افضل”
اما ثريش راح تكون ضرباتها مخصصة لضربات اليد (Melee) مع سيف سباردا (sparda) القوي تبعها. وشخصية ليدي راح تكون مخصصة للضربات البعيدة باسلحتها المتخصصة بطلقات اليد و مشبك السحب.
فيرجل راح تقدر تلعب به في كل المهمات، لكن ليدي راح تقدر تلعب بها في مهمات نيرو فقط، وشخصية ثريش تقدر تلعب بها في مهمات دانتي فقط.
ايضا النسخة الخاصة من ديفل ماي كراي 4 راح تحتوي على طور جديد اسمه فارس الظلام الاسطوري (Legendary Dark Knight Mode) وراح يحتوي على عدد اعداء اكثر، هذا الطور كان موجود في نسخة ديفل ماي كراي 4 على البي سي، والان راح يتواجد على الاجهزة المنزلية. ايضا راح يتم اضافة ملابس جديدة للعبة وراح يتم اضافة تغييرات بسيطة لسرعة وتوازن اللعبة.
عرض تشويقي للعبة:
كلام يحمس للعبة ديفل ماي كراي 4، ننتظر موعد اصدارها الرسمي، على كلام كابكوم اللعبة راح تنزل في صيف هذا العام.
وش رأيكم بالنسخة؟
احمد خالد
Saudi Gamer
