أحمد قربان
ستديو بنجي (Bungie) المطور للعبة ديستني (Destiny) وعدنا بتحديث للعبة ديستني يعدل اشياء كثير في اللعبة مثل توضيح الالوان اكثر للناس اللي عندهم عمى الوان، وايضا اضافة امكانية التعديل على اصوات اللعبة، كل هذا كتبنا عنه من قبل في الموقع.
التحديث الجاي راح يضيف مساحة جديدة لتخزين الاشياء في المخزن (Vault) بحيث ان الان اللعبة تعطيك مساحة 20 مكان للدروع و 20 للاسلحة و 20 للقطع العامة، اما بعد التحديث راح يسمح لك انك تضع فيه 24 شيء مواد اللعبة (items) و 24 درع و 36 سلاح!
المشكلة اللي واجهتها بنجي من هذا التحديث هي صعوبة اظهار كل الاشياء الموجودة في الفولت في شاشة واحدة داخل اللعبة، هذي المشكلة كانت بالتحديد في اجهزة الجيل القديم – بلايسيتشن 3 و اكس بوكس 360- وسببها ضعف ذاكرة هذي الاجهزة. وبسبب هذا الشيء اضطرت بنجي انها تتخذ حل وسط بين اجهزة الجيلين بحيث انها راح تلغي عملية مقارنة الاسلحة عند اختيارك للاسلحة من الفولت، يعني مثلا لو جيت بتختار سلاح من الفولت و ودك تقارنه بسلاح معك ماراح تقدر تسوي هذا الشيء بعد التحديث في اجهزة الجيل القديم فقط. اما اجهزة الجيل الجديد ما راح تتاثر و راح تقدر تقارن اسلحتك بالاسلحة الموجودة بالفولت بسلاسة وسهولة.
من جهة ثانية اليوم تم اصدار تحديث البلايسيتشن 4 رقم 2.50 و احد مميزاته هو ميزات الايقاف و الاستمرار (Suspend/ Resume) وكتبنا عن كامل مميزات التحديث الجديد في الموقع. حاليا ميزة الايقاف والاستمرار باللعب ماراح تشتغل مع لعبة ديستني لكن ديستني راح تدعمها بعد اصدار التحديث الجديد تبع اللعبة رقم 1.1.2.
التحديث راح ينزل خلال شهر ابريل القادم -شهر 4-.
التحديث منتظر وفيه اضافات جميلة خصوصا ميزة التحكم بالصوت وتوسعة المخزن، وشخصيا اعذرهم على حذف ميزة المقارنة في اجهزة الجيل القديم ويكفي انهم يوسعوا المخزن لهم.
وش رأيكم بالتحديث؟
احمد خالد
Saudi Gamer
