أحمد قربان
كثير من اللاعبين اصبح مهتم و واعي حول تصنيف الالعاب العمري سواء كان بيشتريها لنفسه او لابنه او اخوه الصغير او ايا كان، لعبة ديستني (Destiny) اهتمت بهذا الجانب و ودها تجعل اي لاعب بامكانه تجربتها و لعبها عن طريق تقليل المحتويات الي تزيد من تصنيف اللعبة العمري.
ديستني معروفة انها مو هي اللعبة اللي تسحرك بالوانها و بيئتها الصديقة و في نفس الوقت هي مو ذيك اللعبة المظلمة اللي تسبب لك كآبة، ديستني ماراح يكون فيها اي تعري او مشاهد مخلة بالاداب او كلمات بذيئة او دم لونه قريب من لون الدم الحقيقي او شرب خمر او رهانات و ربا او اي شغلة متعلقة بالكبار. اللعبة راح يكون تصنيفها للمراهقين اللي تقريبا عمرهم 13 ومافوق.
طبعا التصنيف هذا غير مفاجئ للاعبين اللي جربوا الالفا اللي نزلت قبل اسبوعين للعبة، بحيث لاحظنا كلنا ان اللعبة مافيها العنف القوي اللي يتطلب انك تكون كبير لمشاهدته.
و اكيد لما التصنيف العمري يكون اقل راح تحصل على لاعبين اكبر و من فئات عمرية مختلفة وهذا الشي راح يساعد اللعبة و يزيد مبيعاتها، بنجي (Bungie) الشركة المطورة للعبة صرحت انهم ماكانوا مهتمين جدا ان التصنيف العمري يكون للمراهقين لكنهم كانوا يطمحوا انهم يطوروا العاب يقدر الكثير من اللاعبين يستمتعوا فيها.
قال المتحدث في بنجي (حاول تفخم صوتك وانت تقرا الكلام) : “حنا نبي عوالمنا في اللعبة تكون مكان رهيب للاعبين لقضاء وقتهم فيه. حنا نبي عوالمنا تستحق الابطال اللي يلعبون فيها، بالنسبة لنا هذا الشي راح يخلينا نلغي اي شكوك حول اللعبة، لكن بالعكس راح يخلي اللعبة طموحة، مذهلة و مليئة بالمغامرات، هذا هو اللي نبيه و شغالين عليه و نتمنى ان اللاعبين يبغونه ايضا”.
ديستني راح تنزل في شهر سبتمبر على جميغ الاجهزة المنزلية ماعدا اجهزة النينتندو (Nintendo)، و راح يكون لها بيتا يوم 17 من شهر جولاي لاجهزة البلايستيشن و راح تنزل البيتا في وقت لاحق من نفس شهر جولاي لاجهزة الاكس بوكس.
في نظري هذا الشي جميل من الصورة العامة ان اللاعبين راح يكونوا اكثر و الكل يجرب اللعبة لكن في نفس الوقت يخليني اخاف من اللاعبين الصغار اللي يجوك و يعيشوا الجو بزيادة ويخربوا اللعبة مع كامل احترامي وتقديري وحبي للجميع 🙂 .
اش رايكم تشوفوا ان هذا الشي لمصلحة اللعبة ولا لا ولا اصلا مافرق التصنيف العمري وشاريها شاريها حتى لو كانت +30 ؟شاركونا
بارعة
احمد خالد
