مدري هل لا زلت تلعب ديستني أو لا، لكن كذا ولا كذا، احتمال يعجبك الخبر. أعلن ستديو التطوير Bungie عن نيّته لمعاقبة اللاعبين اللي يدخلون مع الناس في جيم معين ولا يلعبون، فقط يجلسون في مكانهم بينما باقي الفريق يقاتل ويتعب. المحزن ان في نهاية المهمة راح يحسبون لكل اللاعبين انهم خلصوها ويعطونهم مكافآت. هذي المشكلة موجودة في الألعاب بشكل عام، وصاروا الناس يسمونهم Idle players.
هذا الشي بينتهي قريباً في ديستني، بحيث قالت بنجي انهم واعين بمشكلة اللاعبين اللي يدخلون وما يلعبون:
” الحين صار واضح عندنا ان فيه لاعبين يدخلون مهمات أو طور الأونلاين ولا يلعبون، وهذا شي مزعج ويؤثر في تجربة اللاعبين. لو تقول لواحد ان فيه ثلاثة يلعبون مهمة وفيهم واحد فقط ما يلعب، ممكن يقول ان هذا شي بسيط وماهي مشكلة كبيرة، لكنها مشكلة في ديستني”.
لذلك، قررت بنجي في هذا الأسبوع انها تمنع اللاعبين هذول من دخول نظام matchmaking (البحث عن اللاعبين) بحيث ما تقدر تلعب مع أحد بشكل عشوائي، اما انك تدبر نفسك وتجيب أخوياك ولا ما راح تقدر تلعب.
الأمر ما ينتهي هنا، بنجي تقول ان اذا هذا العقاب ما فاد مع هالنوعية من اللاعبين، فراح يضطرون يطردونهم من اللعبة بشكل نهائي.
في خبر ثاني، بيعلن ستديو Bungie بهذا الشهر عن تاريخ اصدار الأضافة الثانية للعبة ديستني (Destiny) الي اسمها House of Wolves، المطور شارك الناس هذا الخبر بالمدونة الرسمية حق للاستديو.
“هذا الاسبوع حنا في ستديو Bungie قريبين كثير من اضافة House of Wolves، الأضافة الجاية للعبة بنتكلم عنها بيوم ما بهذا الشهر وبيجي يوم ونعلن فيه عن تاريخ الأطلاق الرسمي وبعض المعلومات عنها لكن مش هذا اليوم”.
اضافة House of Wolves هي ثاني اضافة بتنزل للعبة ديستني (Destiny) وفي اشاعات انها بتنزل بتاريخ 19 من هذا الشهر، وكان اول اضافة نزلت هي The Dark Below بشهر ديسمبر الماضي.
في اخبار ان الأضافة بتقدم معها:
- مهمات Awoken جديدة و مع مهمات Raid حصرية.
- حركات قتال جديدة و 3 خرائط جديدة بلعالم اللعبة.
- الكثير من الأسلحة و الدروع الجديدة.
اذا كنت شريت السيزون باس (Season pass) حق اللعبة بتجيك الأضافة معه، واذا بتشتري الأضافة لوحدها سعرها بيكون 20 دولار، انا عن نفسي كرهت شئ اسمه Destiny وما اتوقع اننا العب اللعبة من جديدة.
انتم وش رأيكم ناوين تشتروا الأضافة او قد طفشتوا من Destiny؟
