لعبة ديستني ما كمّلت 24 ساعة على اطلاقها، وفيه أنباء عن ناس وصلوا أعلى مستوى level فيها!
واحد من كتّاب موقع كوتاكو، يقول انه قدر يلقى لاعب مستواه 24 وقدر يصوّره فيديو بشكل دقيق، ولكن صار خطأ تقني في قطعة التسجيل اللي معه وراح الفيديو اللي سجله. عموماً الكاتب هذا قدر ياخذ صورة للاعب وصل الى ليفل 26:
عادةً اذا اللاعب وصل الى أعلى مستوى في اللعبة فمعناته انه جاب كل شي، لكن في ديستني الوضع يختلف. وصولك لأعلى مستوى ما يعني انك فكيت كل شي، لكن باقي أشياء كثيرة مثل الأسلحة والدروع وغيرها.
كم الليفل اللي وصلته الى الآن؟ أنا وصلت ليفل 3 🙂
