اليوم ستديو بنجي (Bungie) المطور للعبة ديستني (Destiny) اعلن عن تفاصيل طور جديد راح ينزل في الاضافة الجديدة تبع ديستني المعروفة باسم هاوس اوف وولفز (House of Wolves). اسم الطور هو ترايلز اوف اوسايرس (Trials of Osiris).
الطور هو عبارة عن لعب فريق ضد فريق اونلاين بحيث ان كل فريق مكون من 3 لاعبين وراح يكون الدخول له اسبوعي بحيث انه يبدأ كل جمعة وينتهي يوم الثلاثاء مع التحديث الاسبوعي المعتاد لديستني، راح يسمحوا لك بانك تصحي اصحابك و لكن اذا مت ماراح تقدر تصحى مرة ثانية، يعني مافي ريسباون (Respawn). نوع الطور هو الاستبعاد، يعني الميت مستبعد بكل بساطة.
على كلام احد المطورين في بنجي يقول ان هذا الطور هو اكثر طور اونلاين سويناه و فيه توتر وحماس بهذا الشكل.
فكرة الطور هي انك راح تلعب زي التحدي، عشان توضح لك اكثر فكرة الطور مثل العاب القتال اللي هي مورتال كومبات وتيكن، يعني راح تلعب جولات، كل جولة مدتها دقيقتين فقط، الفريق اللي يقتل الثلاثة لاعبين اللي ضده هو اللي يفوز بالجولة، وعشان تفوز بالتحدي الكامل راح تحتاج تفوز 5 جولات كاملة. ايضا راح يكون فيه نقطة في النص الفريق يقدر يسيطر عليها، واذا الفريق سيطر عليها راح يفوز بالجولة مباشرة.
للدخول الى هذا الطور لازم اول انك تزور شخص اسمه Brother Vance راح يكون موجود في الريف، هذا الشخص هو المسؤول عن كل شي موجود في طور ترايلز اوف اوسايرس. في البداية لازم تشتري حاجة اسمها Passage of Osiris وبعدها راح تقدر تلعب الطور. ايضا نفس الشخص عنده الجوائز الخاصة بالطور و عنده بعض الاشياء اللي تساعدك في الطور مثل ان يحسب لك الفوز في التحدي بفوزين او انه مايحسب لك اول خسارة تحدي. ايضا الطور راح يسمح بميزة Level Advantage وهي موجودة في طور الايرون بانر (Iron Banner) فقط بحيث ان قوة دروعك واسلحتك تفرق في اللعب ومو مثل باقي اطوار الاونلاين اللي مايفرق فيها قوة الدرع وكل اللاعبين تكون لهم نفس القوة.
طبعا فوز التحدي وخسارته مهمة جدا والسبب هو انك اذا خسرت 3 تحديات راح تضطر انه تشتري Passage of Osiris مرة ثانية وتعيد كل اللي بدأته، اما الفوز في التحدي هو اللي راح يحدد لك جوائزك.
الجوائز راح تكون كالتالي:
- في حالة انك فوز في تحديين اثنين راح تقدر تشتري حزمة اسمها Stone Tier.
- ثلاثة تحديات راح تعطيك حزمة اسمها Bronze Tier.
- خمسة انتصارات راح تعطيك درع اسطوري اسمه Vest of the Exile.
- ستة انتصارات راح تعطيك حزمة اسمها Silver Tier.
- سبعة انتصارات راح تعطيك رشاش (Auto Rifle) اسطوري اسمه The Summoner.
- ثمانية انتصارات راح تعطيك حزمة ذهبية اسمها Gold Tier.
- تسعة انتصارات الى الان مانعرف الهدية تبعها لكن بنجي وضحوا انهم راح يعلنوا عنها عند اطلاق الاضافة.
اذا فزت 9 مرات راح تقدر تشتري جوائز ال9 انتصارات واللي قبلها كلها في نفس الوقت. طبعا الاسلحة والدروع راح تتغير بشكل اسبوعي من عند Brother Vance.
اذا خرجت من وسط التحدي راح يعتبروه خسارة عليك و راح يبقى لك خسارتين اذا خسرتهم لازم تعيد من جديد و راح تطير عليك كل الانتصارات اللي جمعتها.
الطور راح يعطيك اقوى الدروع والاسلحة بحيث انك تقدر تشتريهم بعد ماتفوز في عدد كبير من التحديات من عند Brother Vance، وايضا ممكن تظهر لك نفس الجوائز القوية بشكل عشوائي بعد ماتفوز في اي تحدي على حسب حظك.
بالنسبة للدروع الجديدة والاسلحة الجديدة راح تحتاج الى مواد جديدة حتى تطورها اسمها Ethric Light و هذي المواد تجيك من ترايلز اوف اوسايرس و ايضا راح تجيك من الطور الشهري المعروف باسم ايرون بانر (Iron Banner).
بالنسبة لفريقك راح تحتاج انك تجيب فريقك وتدخل معاه بحيث ان اللعبة راح تبحث لك عن اعداء ضدك لكن ماراح تبحث لك عن فريق واصدقاء تلعب معهم.
الاضافة راح تحتوي على خرايط جديدة و كل الخرايط الجديدة تبع الاضافة الاخيرة اللي اسمها The Dark Below راح تصير مجانية لكل الناس.
الاضافة راح تنزل على كل الاجهزة المنزلية يوم 19 كم شهر مايو القادم يعني بعد 19 يوم من يوم كتابة الخبر.
مقطع لاسلوب اللعب في الطور الجديد (انصح بمشاهدته):
فكرة الطور ممتازة و فيها تحدي في وجهة نظري، راح تحتاج فريق قوي ومتفاهم و ميزته ان الجوائز تقريبا مضمونه مع كل فوز بحيث انك تعرف اش راح تشتري من عند Brother Vance من قبل لاتدخل التحدي اصلا.
وش رايكم بالطور؟
