يزيد السويري
طبعا تذكرون الخبر اللي من يومين اللي تكلم عن حدث أيرون بانر الجديد وكيف إن الناس ما حسوا بالفرق اللي مفروض يقدمه هذا الحدث. أحد كبار المصممين في إستوديو بنجي شرح ليش الحدث جا عكس توقعات الناس وقال:
” الطريقة اللي قدمنا فيها حدث الايرون بانر أعطى إنطباع أن القوي ياكل الضعيف في هذا الحدث. بس لما تجي للواقع حنا قدمنا الشيء اللي نحس إنها بتكون تجربة تنافسية مناسبة للكل مو بس لاصحاب المستويات العالية. لكن ردود الافعال اللي جتنا كانت ان الناس تقول * لا، حنا نبي الحدث يكون صعب للي مستوياتهم متدنية* وهذا اللي نبيه. حنا نستمع لأرائكم واقتراحاتكم لكن هذا أول حدث أيرون بانر للعبة وهو معتدل بحيث يكون مناسب جميع اللاعبين”.
” طبعا عشان نخلي المنافسة عادلة ونبتعد عن المواجهات اللي تكون معصي الطرف الضعيف فيها يفوز خلينا الأفضلية تكون في حالة كان الفرق بينك وبين خصمك سبع مستويات”.
في النهاية بنجي قالت إنها تسمع لأراء وإقتراحات الناس وأن حدث الايرون بانر الجاي إحتمال كبير بيصير فيه تعديلات مغايرة للحدث الحالي.
أيمن اليغشي
بارعة
احمد خالد
