مطوّر ديستني اليوم شكله سمع ان ديستني ممكن مملة في البداية، ورد على هالكلام وقال انها تجربة تتطوّر وتتحسن مع الوقت. باتريك كيلي، المنتج التنفيذي للعبة يقول ان اللعبة تبدأ تتحسن بالذات اذا وصلت ليفل20، اللي هو أعلى مستوى في اللعبة.
يقول باتريك: “أعتقد ان اللاعبين راح يكتشفون ان اللعبة بتتطور وتتحسن مع الوقت. في أول ساعة، ممكن تحس انها لعبة تصويب قد لعبتها قبل، لكن بعد كذا اللاعبين يشوفون بعضهم في عالم اللعبة ويسوون نشاطات ومهمات تعاونية وتنافسية. أو ممكن انهم يكملون لحالهم لكنهم يشاركون في Public Events (أحداث عشوائية يجي فيها أعداء أقوياء وسط اللعبة). في نهاية الأمر بيرجعون للبرج (المكان الرئيسي في اللعبة) ويطورون شخصياتهم ويحددون القدرات اللي يبغونها”.
يكمل باتريك كلامه: “بعد عشرين ساعة، أعتقد ان اللاعبين بيحسون ان تجربتهم تغيرت وتطورت بشكل كامل. بيكتشفون انهم غطسوا في عالم ثاني وانهم تعمقوا في تاريخ شخصياتهم، وانهم بنوا مجتمع مع اللاعبين الثانيين، وانهم طوروا طريقة لعبهم لدرجة ان صار عندهم القدرة انهم يدخلون مهمات raids (من أصعب أنواع المهمات) عشان يطوّرون دروعهم وأشياءهم”.
قيّمنا اللعبة أمس، لا تنسى تشوف تقييمنا لها 🙂
وش رأيكم في كلام باتريك؟
