محمد الشريف
بعد الاعلان عن الاضافة أو التوسعة القادمة باسم The Taken King للعبة Destiny، الكثير اشتكى من سعر الاضافة وقالوا انه مبالغ فيه.
سعر الاضافة لحالها بيكون 40 دولار (150 ريال). أضف الى ذلك ان محتوى ذا تيكن كينق، حسب مصدر الخبر، ما راح تقدر تلعبه الا اذا اشتريت اللعبة الأصلية والاضافتين اللي قبل، اللي هم The Dark Below و House of Wolves.
في مقابلة مع المخرج، حاول توضيح بعض الأمور لكن يبدو انه زاد الأمور تعقيد. يقول:
” لو تشوف الحركات الجديدة اللي في اللعبة صدقني راح ترمي فلوسك على الشاشة” ويقصد برمي الفلوس على الشاشة ان اللاعب راح يعجبه اللي بيشوفه وانه بيشتريها بدون تردد.
بعد المقابلة، الأمور ساءت واضطر مطوّر اللعبة انه يرجع يخاطب الجمهور، وهذي المره وعد اللاعبين القدماء انهم بيحصلون على محتويات حصرية لهم. أيضًا وعد انه يحاول يطلع بنسخة ثانية للاضافة بحيث يقدر اللاعبين يشترونها ويحصلون على المحتوى اللي فيها بدون ما يضطرون يشترون نسخة تيكن كينق كوليكتر اديشن، واللي لو اشتروها بيصيرون اشتروا الاضافات مرتين.
وش موقفكم من المشاكل اللي جالسه تصير بين جمهور اللعبة ومطورها؟
بارعة
احمد خالد
أيمن اليغشي
