محمد العليمي
باعت لعبة DayZ ثلاثة مليون نسخة، وكل هذي المببعات بمتجر ستيم ومن خلال Early Acces (نظام يسمح لك بشراء اللعبة وتجربتها قبل نزولها الرسمي). نزلت اللعبة بشهر ديسمبر 2013 وفي ظرف 13 شهر قدرت تبيع 3 مليون نسخة.
الرقم هذا يعتبر كبير بالنسبة للعبة مثل داي زي، لأنها الى الآن ما نزلت بشكلها الكامل، ولا زالت في ستيم إيرلي آكسس. اللعبة في شهر مايو السنة الماضية باعت 2 مليون نسخة، والان وصلت لثلاث مليون نسخة، والمفروض تنزل النسخة الكاملة من اللعبة في النصف الاول من سنة 2016 و على اساس انه سعرها بيكون بحدود 40 يورو أو ستين دولار.
اللعبة حتى الان نزلها 24 تحديث وهي بخدمة Steam Early Access. هذي التحديثات الي نزلت للعبة كثير منها كان تصليح للمشاكل الي باللعبة، مثل تحسين مستوى الرسوم باللعبة بأستخدام ال DirectX 11 عشان يوصلوا لأفضل مستوى رسوم بمحرك اللعبة.
قالوا مطورين اللعبة: “حنا نشكر كل واحد من ال3 مليون لاعب الي شاركونا رحلتنا بتطوير لعبة DayZ”.
“كلكم ساعدتم بتطوير DayZ واحدة من افضل العاب الزومبي، العالم المفتوح هذا انجاز عظيم وحنا الان نبي نتقدم اكثر عشان نشاركم المنتج النهائي للعبة الي بيكون فيه تحسينات كبيرة كنا شغالين عليها السنة الماضية”.
وش رأيكم بهذا الرقم، بما انها لعبة فعلياً ما نزلت بشكل رسمي وكامل؟
بارعة
محمد ليلة
