أحمد قربان
اكد ستديو نورديك للالعاب (Nordic Games) مطور لعبة دارك سايدرز 2 (Darksiders 2) ان اللعبة راح تنزل بشكل محسن على البلايستيشن 4 والاكس بوكس ون.
تسربت قبل كم يوم قائمة عن بعض الالعاب اللي راح تنزل من ستديو نورديك، واليوم اكد الاستديو ان القائمة صحيحة لكنه ما اعطى اي تفاصيل عن الاجهزة اللي راح تنزل عليها هذي الالعاب او مواعيد اصدارها، طبعا من هذي القائمة كانت لعبة دارك سايدرز 2.
دارك سايدرز 2 نزلت عام 2012 على البي سي، بلايستيشن 3، الاكس بوسك 360 والوي يو. وكانت شركة تي اش كيو (THQ) ناشره للعبة، لكن تي اتش كيو في نفس السنة اعلنوا افلاسهم وباعوا ممتلكاتهم في عام 2013 عشان يقدروا يسددوا الديون اللي كانت عليهم. وفي شهر مايو الماضي صرح المخرج الابداعي السابق لسلسلة دارك سايدرز ان السلسلة لسة ما ماتت و ان ستديو نورديك ملتزم جدا باستمرارية السلسلة.
اعتقد ان الاستديو يبغا ينزل هذي النسخة كجس نبض للاعبين اجهزة الجيل الجديد، يبغا يعرف كيف التطوير و اش التحسينات اللي راح تصير للعبة و الاهم يبغا يعرف ردة فعل اللاعبين لها وهل راح تبيع بشكل كبير ولا لا.
ايش رايكم؟
احمد خالد
Saudi Gamer