يزيد السويري
بعد إفلاس شركة THQ وبيع ممتلكاتها من ألعاب وحقوق ظهر تقرير بأن الشركة دفعت مبلغ 50 مليون دولار لتطوير الجزء الثاني من لعبة دارك سايدرز وهذا المبلغ يعتبر ضخم ومبالغ فيه من وجهة نظر مالك شركة نوردك ( Nordic ) الأخ لارس وينقفورز ( Lars Wingefors ) التي تملك شركته حقوق لعبة دارك سايدرز.
يقول لارس في مقابلة له ” إن THQ دفعت 50 مليون عشان يطورون دارك سايدرز2 بينما حنا يمدينا نسوي لعبة بنفس المستوى لكن بتكاليف أقل، لأن بصراحة مبلغ 50 دولار شيء مبالغ فيه ولا أقدر أدفع زيه”.
شركة نوردك إشترت بعد حقوق كم لعبة من عند THQ زي لعبة ريد فاكشن ( Red Faction ) ولعبة الدبابات النارية المعروفة MX vs. ATV. لكن إلى الآن محد يدري وش مستقبل هالالعاب وهل راح نشوف أجزاء منها أو لا.
شخصيا أتفق مع الاخ لارس مبلغ 50 مليون دولار كان كبير جدا مقارنة بجودة اللعبة النهائية، صحيح أن اللعبة ممتازة وأنا وددي أشوف لها جزء ثالث لكن جودتها كمنتج نهائي كانت أقل من عادية وأستغرب وين صرفوا ال50 مليون هذه فيه، شكل الدعوة فيها فساد. ما علينا وش رأيكم أعزائي كيف كانت تجربتكم للعبة وهل تشوفون أنها تستحق المبلغ اللي دفع فيها أو لا؟ شاركونا ارائكم في التعليقات.
بارعة
احمد خالد
محمد ليلة
