أحمد قربان
“يخي انتوا ارهب ناس!” هذي الجملة مو انا كتبتها لكن مطورين لعبة كراوفول (Crawfall) كتبوها في موقع Kickstarter (موقع يعلنون فيه المطورين عن ألعابهم والميزانية اللي يححتاجونها لتطوير اللعبة، والناس تدفع لهم مبلغ دعم ويحصلون على اللعبة وقت نزولها) بعد ماجمعوا ضعف التبرعات المطلوبة، بحيث كانوا طالبين 3 مليون ريال سعودي وحققوا مايقارب 6.7 مليون ريال. كملوا المطورين شكرهم وقالوا: “شكرا لكم لانكم خليتوا مشروع لعبة كراوفول يصير حقيقي”
بعد هذي الاحصائية تصبح لعبة كراوفول اللعبة رقم 15 من ناحية اعلى مجموع تبرعات في موقع Kickstarter. اللعبة راح تدعم الOculus Rift و جهاز الVive تبع Valve وهي اجهزة الواقع الافتراضي.
كتبوا مطورين اللعبة: “طيب، ماهي الخطوة القادمة؟ الان راح نشتغل، عندنا لعبة راح نبنيها، رؤيتنا راح نحسنها، راح نتواصل معاكم عن طريق المنتديات، راح نناقش افكارنا وممكن تكون فيها اخطاء و راح نعترف بأخطائنا بكل شفافية، و راح نكتشف الحلول الصحيحة مع بعضنا”
كملوا ايضا: “راح نكمل بنفس نهجنا، لعبة كراوفول مصممة للاعبين معينين يشاركونا نفس رؤيتنا و معجبين بشغلنا ويبغوا يشوفوا اللعبة على الطبيعة، راح نبحث عن هؤلاء اللاعبين و عندما نجدهم راح ناخذهم للمكان المناسب لهم”
اللعبة غالبا راح تنزل في نهاية عام 2016، اللعبة تنصيفها MMO ومعروف تطوير هذا النوع من الالعاب ياخذ وقت طويل لانهائه.
اش رايكم بالخبر وهل متحمسين للعبة؟
بارعة
احمد خالد
أيمن اليغشي