أعلن مطور لعبة Crossy Road ستديو Hipster Whale انهم شغالين على لعبة أسمها Pac-Man 256 بالتعاون مع شركة بانداي نامكو (Bandai Namco).
تم أختيار هذا الأسم بعد الجليتش (خطأ تقني) المشهور الي سمح لللاعبين يوصلوا لهذا المستوى و كانت على لعبة باك مان الأصلية حق الأركيد. هذا الجليتش ممكن في يوم من الأيام وصلك للمستوى 256، لكن كانت الشاشة نصها خرابيط. قال ستديو Hipster Whale انهم مستوحين فكرة اللعبة من هذا الجليتش 😀 ، و زي ما شفتوا بالفيديو اللعبة بيكون هذا الجليتش شي أساسي فيها و الظاهر انه لازم تنهي المرحلة من غير ماتقرب منه او شي زي كذا.
صرح أحد المسؤولين في ستديو Hipster Whale و قال:
“ألعب لعبة Pac-Man من فترة الأركيد في عام 1980 وهذي واحدة من أقدم ذكرياتي، هذا شرف لا يصدق اني اقدر اساهم بتطوير واحدة من أشهر الألعاب في العالم، لعبتنا Pac-Man 256 تأخذ الجليتش حق المستوى 256 و تبني عليه لعبة جديد و بنفس الوقت تحافظ على النمط الكلاسيكي للعبة Pac-Man”.
وش توقعاتكم لهذي الفكرة الشاطحة؟
