محمد الشريف
الجزء الأول من لعبة كراش المشهورة المفروض انها احتوت على مشاهد كرتونية. ايه، مشاهد كرتونية وشكلها رائع بعد.
كشف عن هذا الأمر منتج اللعبة David Siller. المشاهد الكرتونية هذي كلها تم رسمها باليد، والمشاهد كانوا يبغون يحطونها في بداية ونهاية اللعبة فقط. الأمر ما يوقف هنا، لكن كانت الخطة انهم يجسون النبض حول استقبال الجمهور لها، ولو كان الاستقبال ايجابي فاحتمال كنا بنشوف فيلم كرتوني كامل مبني على كراش.
الشي اللي وقف الفكرة هذي كانت سوني، وقتها سوني كانت تدفع الرسومات ثلاثية الأبعاد بشكل كامل. لعبة كراش كانت وقتها ملك لشركة Universal Studios، لكن سوني اشترت منها اسم اللعبة، وعلى طول شالت فكرة الرسومات الكرتونية اليدوية هذي واستبدلها بالمشاهد اللي شفناها في اللعبة.
بغض النظر عن اللي صار، أشوف اني راضي عن الشكل اللي لعبنا فيه لعبة كراش.
أيمن اليغشي
بارعة
