أحمد قربان
لعبة بروجكت كارز (Project Cars) راح تكون من الالعاب القليلة اللي راح تسمح للاعبين الاجهزة المنزلية بتعديل المؤثرات الموجودة باللعبة، راح يقدروا اللاعبين يعدلون على الفلترات الموجودة، اضاءة اللعبة، نزول المطر، اتساخ الشاشة وبعض الاشياء الثانية اللي عادة اصحاب الاجهزة المنزلية مايقدروا يتحكمو فيها وتكون جاهزة ومثبتة لهم.
ايضا راح تقدر تعدل على اعدادات الكاميرا في قائمة منفصلة، ايضا راح تقدر تعدل على مجال الرؤية لكل كاميرا موجودة باللعبة، ايضا تقدر تعدل على مقدار حركة راس السائق.
قال اندي تودور (Andy Tudor) المخرج الابداعي للعبة: “ملاك الاجهزة المنزلية المفترض يكون عندهم كل الخصائص و الخيارات الموجودة في اجهزة البي سي، سواء كانت خيارات الرؤية، ردة فعل الكاميرا و امكانية الوصول و غيرها من الخيارات”
كمل اندي وقال: “فئة العاب السباق وصلت لمرحة جدا عالية من التطور حاليا، و عشاق العاب السيارات اللي عندهم اجهزة منزلية متعطشين لتجربة العمق الاضافي من العاب السيارات، ايضا العاب السيارات عشاقها كثيرين جدا ومتنوعين و باضافة امكانية التعديل على خصائص اللعبة راح يتمكن الكل من اللعب بالطريقة اللي تناسبه سواء اللي كان متعود يلعب على اجهزة منزلية او اللي متعود على العاب المحاكاة في البي سي”
اللعبة راح تنزل يوم 7 من شهر مايو القادم -شهر مايو هو شهر 5 بالتقويم الغربي- لاجهزة البي سي، وراح تنزل يوم 12 من نفس الشهر لاجهزة الاكس بوكس ون والبلايستيشن 4، اما نسخة الويي يو الى الان مانعرف موعد اصدارها.
اش رايكم بالخبر؟
Saudi Gamer
احمد خالد
