Gamescom 2014أخبار

الكشف عن معلومات رهيبه للعبة Call of Duty: Advanced Warfare

قبل شوي خلص مؤتمر COD: Advance Warfare وصار فيه بعض الإعلانات الرهيبة، الزبدة ما نطول عليكم هذي أهم الإعلانات الي صارت بالمؤتمر.

الإعلان عن Zero Day Edition 

وش سالفة اليوم الصفر هذا ؟ ليه ما يكون نسخة اليوم الأول ؟ الفرق بينهم يا عزيزي أنك اذا كنت مسوي بري أوردر لنسخة Zero Day بتوصلك اللعبة قبل موعد الإطلاق بيوم كامل مع أغلب خصائص اللعبة وزيادة على كذا إمكانية الدخول للملتي بلاير وسلاحين مميزة للنسخة هذي AK-12G Assault Rifle و CROSSBOW-B2  وش تبي زيادة ؟ .

إمكانية تطوير الKill Streak حقك

صار يمديك الأن تطور ال Kill Streak ، معناه أنه يكون أسرع و أقوى وأخف من قبل وممكن حتى يقتل عدوك بضربة وحدة

إعادة التفكير بالScore Streaks

بعد ما غيروا ال Score Streaks صار يمديك أنت وخويك بنفس التيم أنكم تشتغلون على تحدي واحد -أو مهمه- بنفس الوقت والي يسهل لكم أنكم تجيبونها بشكل أسرع مقارنة إذا كنت تسويها لحالك

بدلة المستقبل The Exoskeleton

شفنا كثير من الإعلانات الي تتكلم عن البدلة هذي ، ولا شفنا طريقة أستخدامها وقت المعركة ، هذا جيمبلاي يوريك أغلب الحاجات الي تسويها البدلة

هذي كانت الإعلانات المهمه بمؤتمر كول أوف ديوتي وش رأيك فيها ؟ أقنعتك تشتريها ولا باقي تبغى تتأكد لما تنزل ؟ عطنا رأيك بالتعليقات

الوسوم
اظهر المزيد

جلال مجهلي

جيمر مغبر يحب العاب المناقز والشوتر وكل الألعاب الي تطيح بيده :) ، أوتاكو ، ومشرف بمجتمع سعودي جيمر على جوجل بلس.
إغلاق