افتتح كليف بليزنسكي، مخترع السلسلة المعروفة جيرز أوف وور، وآريان بروسي، مؤسس مشارك لاستديو جوريلا جيمز مخترع سلسلة كيلزون، استديو جديد باسم Boss Key Productions.
الموقع الرسمي للاستديو تم افتتاحه اليوم، وبعد أسبوع من اعلان كليف بليزنسكي عن تراجعه عن اعتزال تطوير الألعاب. يقول كليفي قبل فترة انه يبغى يرجع يطوّر ألعاب ضخمةل لكنه ما فيه حيل يسوي استديو كامل من جديد، لكن يبدو انه غير رأيه الآن.
أما بالنسبة لآريان، فهو قد اشتغل مع كليفي من زمان، بحيث اثنينهم اشتغلوا على اللعبة الكلاسيكية Jazz Jackrabbit، بعدها افترق عنه وشارك في تأسيس الاستديو المشهور جوريلا جيمز، والمسؤول عن تطوير سلسلة كيلزون. حالياً آريان يشتغل مع Visceral Games واللي حالياً يشتغلون على لعبة Battlefield: Hardline.
في بداية السنة، كليفي تكلم عن نيته لتطوير لعبة على البي سي، لانه يعتقد ان البي سي هو المكان اللي يجمع المطوّرين واللاعبين، بالاضافة الى ان “مجتمع اللاعبين موجود هناك” على حد كلامه. احتمال مشروعه القادم يكون لعبة تصويب منظور أول على البي سي، لانه تكلم عن هالموضوع مرة وقال انه بيعلن عن مشروعه في 8 يونيو، يعني بعد كم يوم 🙂
خبر رهيب ولا؟ مبسوط جداً على هالخبر. متحمس أشوف مشروعهم القادم وش بيكون!
وش رأيك بالخبر؟
