محمد الشريف
لعبة البي سي المعروفة ليج أوف ليجيندز، يتم تدريسها الآن بشكل رسمي في أمريكا، تحديداً في ولاية شيكاغو.
جامعة روبرت موريس أضافت قسم كامل اسمه الرياضات الالكترونية قبل فترة، وتدريس هاللعبة بيكون من ضمن هذا القسم تحت منح دراسية معيّنة. حالياً بدأ التقديم والقبول بخصوص هذي اللعبة، واللي بيتم اختبارهم في اللعبة عشان يتم قبولهم في المنحة الدراسية.
يقول كيرت، واحد من مسؤولي الجامعة: “بعد ما شفنا لعبة ليج أوف ليجيندز، انصدمنا بالحجم الهائل والكبير للعبة وشغف اللاعبين فيها. حنا نعطي منح دراسية لأشياء كرة القدم والسلة وغيرها، فقلنا لبعضنا: ليش ما نسوي هذي المنح الدراسية لهذي الأشياء؟”
تكلم كيرت برضه عن صعوبة الموضوع، وخصوصاً اقناع مدير الجامعة بالشطحة، وقال ان عادة مدراء الجامعات يرفضون هالأفكار بشكل مطلق بقولهم “مجنون أنت؟” ولكن مدير جامعتهم تفهّم الموضوع وشاف ان فيه فرصة تستاهل انهم يسوون هذا الشي عشانها.
شي رهيب ياخي، تخيّل تصير تدرس عن لعبة أنت تحبها، ويعلمونك على كل صغيرة وكبيرة فيها، ويختبرونك فيها بعد!
لو في يوم من الأيام صارت كل الألعاب موجودة في الجامعات ويتم تدريسها، وش اللعبة اللي بتتخصص فيها؟
بارعة
احمد خالد
أيمن اليغشي