شركة EA اعلنت عن احتمالية منع اللاعبين من الدخول الى خدمة الالعاب الخاص بهم وهو موقع Origin. خدمة اوريجين راح تمنعك من الدخول للموقع اذا سجلت الدخول اكثر من 5 مرات من 5 اجهزة مختلفة في 24 ساعة. يعني عندك كل يوم 5 مرات تقدر تسجل فيها الدخول من 5 اجهزة مختلفة، اما لو من نفس الجهاز دخلت عدد لامحدود من المرات ماراح يمنعوك. المشكلة في ان تغييرك لبعض قطع الكمبيوتر بتنحسب عليك كأنك غيرت الجهاز بالكامل!
كتب ستديو EA للتوضيح: “موقع Origin يسمح للاعبين بتثبيت اي لعبة على 5 اجهزة مختلفة كل 24 ساعة، اي شخص وده انه يثبت اي لعبة اكثر من 5 مرات خلال 24 ساعة يقدر يكلم فريق قسم الدعم و راح يساعدوه”
الخبر هذا ما راح يأثر على الاغلبية لكن سببه ان احد الاشخاص اللي كان وده يجرب لعبة Battlefield: Hardline على اعلى جودة رسومات بدأ يشغل اللعبة على اكثر من كرت ذاكرة الى ان رسلوا له EA رسالة تحذيرية بأنه تم دخول حسابه مرات كثيرة بنفس اليوم وهذا الشيء ممكن يأدي الى منعه من اللعب.
اذا انت همك انك تلعب فقط مثل اغلب اللاعبين ماراح يهمك، لكن الافضل انك تعرف حقوقك كلاعب و الاشياء اللي ممكن تضرك في المستقبل وحبينا نوضح لك هذا الشيء.
وش رأيكم؟
