أخبار

مطوّر The Witcher 3 يعامل مشاكل التخزين في نسختهم لجهاز Xbox One “بشكل جدِّي للغاية”

thewitcher3coverphoto

من أسوأ الأشياء اللي ممكن تصير لك وأنت تلعب ان اللعبة ما تخزّن لك لعبتك، وتكتشف بعد م تطفي الجهاز انك رجعت ورا في اللعبة. أعلن ستديو تطوير CDPROJEKT انه يدري عن مشكلة التخزين في لعبة The Witcher 3 لنسخة Xbox One، وانه يشتغل على المشكلة هذي بشكل جدي للغاية.

المشكلة، حسب كلام اللاعبين في منتدى ذا ويتشر وغيره من المواقع، ان اللعبة ما تسوي تخزين تلقائي (auto-save) وفي نفس الوقت ما ترضى للاعب انه يسوي تخزين يدوي (manual save). مثل ما تتصور، المشكلة كبيرة، بما ان المشكلة بالشكل هذا ما راح تسمح لك تخزن بأي شكل من الأشكال.

صرّح ستديو سي دي بروجيكت انهم بيطلقون تحديث للمشكلة في “أسرع وقت ممكن”.

اذا كنت تلعب اللعبة الرهيبه على اكس بوكس ون، فاحتمال انه أفضل لك لو توقّف لعب الين ينزل تحديث لهذي المشكلة.

المصدر

الوسوم
اظهر المزيد

محمد الشريف

كاتب ومدير تحرير موقع سعودي جيمر. أعشق ألعاب الفيديو من يومي صغير (ايه كلنا كذا)، أحب ألعاب التخفّي والرعب، وأعشق سلسلة Metal Gear ولعبة Silent Hill وICO.
إغلاق