خالد السيف
في مقابلة صارت مع مطوّري لعبة The Witcher الرهيبة، تكلموا عن الجهازين وعن تجربتهم في التطوير عليهم.
قال واحد من مطوّري ويتشر:” كل الجهازين رهيبة من ناحية القطع الداخلية، وكلها تسمح لنا نسوي أشياء مجنونة من ناحية أفكار الرسوم وطريقة اللعب”. وعلى كلامهم ان جيل جديد من القطع الداخلية يعني جيل جديد من الرسوم (Graphics) والقصة والعالم المفتوح. برضه تكلمو في المقابلة عن اشياء مثل تركيزهم على القصة وطريقة اللعب والبيئة الحية.. الخ.
وعلى كلامهم انهم ماراح يحددون وقت أطلاق للعبة لانهم يشتغلون عليها حتى تصير لعبتهم الأفضل من كل النواحي، وتكلمو كيف انه اللاعبين يلعبون اي لعبة من اي نوع ومايرتبطون بنوع محدد.
بصراحة رأيي في التصريح وانه يطلع من مطورين لعبتهم من العيار الثقيل هو شي يفرح، وهذا يدل اننا راح نلاحظ جزء ممتع ومتعوب عليه بنفس الوقت وان الأجهزة الجديدة راح تعطي نقلة كبيرة عن الأجهزة القديمة خصوصا في العاب لها قوتها ان شاءلله.
وكمصادفة اليوم قال كوجيما مطور لعبة ميتل جير ان البلاي ستيشن 4 هو الأفضل، بينما مطورين ذا ويتشر يقولون ان تجربتهم رهيبه على الجهازين. وش رايك أنت بالكلام ومين تصدق؟
احمد خالد
