اللعبة الابداعية كاتابومب كيدز (Catacomb Kids) نزل لها الدخول الاولي -Early Access- على ستيم. اللعبة ثنائية الابعاد وتشبه لعبة سبيلنكي بشكل كبير (Spelunky). نسخة الدخول الاولي فيها لعب تعاوني من نفس الجهاز فقط، رؤساء بسيطين، وشخصيتين مختلفة بكلاسات منفصلة. اللعبة فيها خلطات كثير تقدر تسويها عن طريق الاشياء اللي تجمعها و تملكها. تقدر تسوي سم وتحطه في حوض ماء، تقدر تحرق نفسك او تحرق الاعداء، تطبع اكل، تصنع بخار، تاكل اجسام الناس، وتقدر تستخدم البلالين الهوائية لتسلق الجدران. اللعبة صعوبتها تعتبر عالية وتشبه اسلوب لعبة دارك سولز من ناحية القتال اليدوي للاعداء.
مطور اللعبة صرح عن الدخول الاولي وقال: “النسخة هذي راح تكون موجودة الى ان ينتهي تطوير اللعبة. من ناحية ثانية راح نحدث اللعبة بشكل مستمر ونضيف محتويات اكثر، اقل شي مرة كل شهر راح يكون فيه تحديث. النسخة الكاملة راح يكون فيها 4 بيئات اساسية مختلفة، قتالين كبيرين مع الزعماء، اقل شيئ 8 قتالات مع زعماء مصغرين، عشران القدرات والمهارات اللي تطورها، و عدد كبير جدا من الاسرار. ايضا اللعبة النهائية راح تحتوي على اطوار مختلفة من ضمنها مود القنتليت (Gauntlet)، التعاوني (co-op) واللانهائي (Infinite mode)”
جبنا لكم مقطع تشويقي للعبة:
اللعبة لها دخول اولي ولها عرض همبل بندل (Humble Bundle) ايضا.
لعبة شاطحة و للوناسة، اتوقع انها راح تشبه لعبة هوت لاين ميامي (Hotline Miami) شوي من ناحية الحشيش والادمان اللي باللعبة.
اش رايكم باللعبة هل متحمسين لها؟
