محمد الشريف
بعد الأخبار الرهيبه اللي طلعت أمس، أعلنت كابكوم اليوم عن بعض الأخبار الغريبة.
منتدى NeoGAF قدر يكتشف ان اللعبة تحتوي على مشتريات داخلها(microtransactions)، بحيث اللعبة تبيعك شي اسمه Life Crystal، القطعة هذي وظيفتها انها تخلّيك تعيد من نفس المكان اذا مت.
بمعنى أسهل، اللعبة بتخلّيك تدفع فلوس عشان ما تعيد المرحلة كاملة، وتصير تقدر ترجع لنفس المكان اللي مت فيه.
الخبر هذا أثار ضجّة كبيرة بين اللاعبين، لدرجة ان كابكوم اضطرت توضّح الموضوع:
” هذي المشتريات بتكون ضمن طور Raid فقط، ما راح تكون في طور القصة. طور القصة ما راح يحتوي على أي مشتريات”.
أما بالنسبة للمشتريات نفسها، فهي فعلاً موجودة، لكن كابكوم تقول انها ماهي الزامية، بمعنى انك تقدر تلعب اللعبة بدونها:
” بامكان اللاعبين استخدام قطعة Life Crystals اذا لعبوا طور الريد. هذي القطعة وظيفتها انها تعطي اللاعبين فرصة ثانية وترجّعهم لنفس المكان (respawn)”.
قالت كابكوم برضه ان اللعبة فيها نوعين من الكريستال: كريستال باللون الأحمر وكريستال باللون الأزرق. الأزرق تقدر تحصل عليه اذا لعبت المهمات اليومية اللي في اللعبة، بينما الكريستال الأحمر تقدر تشتريه بفلوس. كل القطعتين يسوون نفس الوظيفة، الفرق فقط في طريقة الحصول عليه، الأحمر تشتريه بفلوس والأزرق تحصل عليه من اللعبة نفسها.
اللعبة بيكون فيها مشتريات داخلها، لكن – حسب كلام كابكوم – ما راح تخرّب عليك تجربتك بأي شكل من الأشكال. تقدر تلعب اللعبة كاملة وتستمتع فيها بدون ما تدفع فلوس داخلها.
وش رأيكم؟
Saudi Gamer
أيمن اليغشي
أحمد عصام
