محمد الشريف
استخدمت بريسيلا فيرستنبيرق (Priscilla Firstenberg) جهاز الواقع الافتراضي أوكيولوس ريفت (Oculous Rift) لمساعدة جدّتها المريضة بالسرطان عشان تستكشف العالم وتستمتع فيه قبل رحيلها المتوقع عن العالم.
جدتها روبرتا (Roberta) جسمها صار ضعيف جداً بسبب المرض والعلاج، لدرجة انها صار ما عندها القدرة انها تطلع تتمشى عند الباب وتقضي وقتها تمشي في الحديقة – هوايتها الوحيدة اللي كانت تحب تسويها.
بريسيلا جات في بالها فكرة انها تجيب لجدتها جهاز الواقع الافتراضي، بما انها تشتغل في عالم صناعة الألعاب (مع استديو تطوير Camouflaj)، وفعلاً بدأت تشتغل على هالموضوع. تعرضت بريسيلا لبعض المصاعب في حصولها على الجهاز، ولكنها في الأخير قدرت تحصل على الجهاز ولكنه من الأجهزة المخصصة للمطوّرين.
استخدمت الجدّة روبرتا الجهاز، وجابوا لها ديمو Tuscany واللي تقدر من خلاله تستكشف بيت افتراضي، وفعلاً قدرت روبرتا انها تستكشف البيت وتتمشى وتستمتع فيه.
المحزن أكثر في الموضوع انهم شغلوا لها ديمو Street View (خدمة تابعة لجوجل تقدر من خلالها تتفرج على الشوارع الحقيقية) وقدرت تتفرج على الشوارع وتسترجع الذكريات، وبرضه قدرت تشوف نفسها في صورة قديمة التقطتها خدمة جوجل بالصدفة، يوم كانت بصحتها وعافيتها.
صوّرت بريسيلا تجربة جدتها مع الجهاز، تقدر تتفرج على الفيديو الحزين هنا:
بريسيلا كانت تبي تشتغل على تجربة افتراضية مخصصة لجدتها، بحيث يكون فيها مناظر طبيعية مثل شلالات وفراشات وغابة. وبدأت بريسيلا الوفيّة تشتغل فعلاً على التجربة، ولكن ساءت حالة جدتها روبرتا، وفارقت الحياة بعد أربع أسابيع من تجربتها لجهاز الواقع الافتراضي.
قصة أحزنتني فعلاً، الله يحفظ المسلمين من كل شر.
احمد خالد
عصام الشهوان
بارعة
