محمد الشريف
اليوم مع اضافة من نوع غريب، أعلنت آكتيفيجين (Activision) عن اضافة تقدر من خلالها تخلّي المغنّي المعروف سنوب دوج (Snoop Dogg) يعلّق على لعبك، بحيث يصير يعطي تعليقات خاصة فيك، مثل اذا فتلت أكثر من شخص ورا بعض (Killstreak) يقولك كلام تشجيعي مثل Don’t stop، وبرضه يصير يعطيك أوامر بدال الأوامر الصوتية المعتادة اللي تسمعها في لعبة كول أوف دوتي.
اذا ما وضحت لك الفكرة الى الآن، تقدر تشوف فيديو الاعلان وفيه لقطات توضّح دور سنوب دوج في اللعبة:
سعر الاضافة بيكون 3 دولار (جوالي 12 ريال) وبتنزل على اكس بوكس 360 واكس بوكس ون في 22 ابريل. ما ذكروا أي شي عن نسخة بلاي ستيشن 3 أو 4.
الاضافة مثل ما ذكرت في بداية الخبر غريبة، وعلى انها طريقة ملتوية لربح فلوس أكثر الا انها طريقة ذكية ماحد سواها من قبل. أعتقد كثير من الألعاب بتتبع نفس الطريقة، وأولهم باتلفيلد.
بالنسبة لي ما أعتقد اني بأشتريها بما اني ما ألعب كول أوف دوتي من الأساس، لكن لو أضافوا شي مثل كذا في لعبة أونلاين أقضي فيها عشرات الساعات فما عندي مانع أغيّر الصوت المعتاد للقائد اللي يعطي أوامر وأجيب شخص جديد كنوع من التغيير، وصوت سنوب دوج بلا شك بيكون صوت مختلف عن باقي الأصوات.
وش رايكم بالاضافة الغريبة؟
بارعة
احمد خالد
