أعلنت اليوم آكتفيجين (Activision)، ناشر اللعبة المعروفة Call of Duty عن ان ادخال استديو Sledgehammer كمطوّر أساسي لتطوير السلسلة، مع المطوّرين الأساسيين Treyarch وInfinity Ward، وبكذا صار تطوير كل لعبة كول أوف دوتي ياخذ ثلاث سنوات!
اللي ما يعرف طريقة عمل آكتيفجن مع سلسلة كول أوف دوتي، واللي تنزل كل سنة. انفنيتي وارد وتراي آرك يستلمون مهمّة تطوير ألعاب كول أوف دوتي بالدور، بحيث كل سنة واحد من اللعبتين، والسنة اللي بعدها تنزل اللعبة الثانية، وبكذا يصير كل مطوّر منهم عنده سنتين يشتغل فيها على اللعبة.
كول أوف دوتي اللي بتنزل هذي السنة بيتم تطويرها من ستديو سليج هامر، ولهم ثلاث سنوات شغّالين على اللعبة حسب كلام آكتيفجن. يقول بوبي كوتيك (Boby kotick) -المدير التنفيذي لآكتيفجن- ان كول أوف دوتي اللي بتنزل هذي السنة “من أفضل ألعاب كول أوف دوتي، اذا ما كانت أفضلها على الاطلاق”.
شخصياً أعتقد ان أي لعبة في العالم تكفيها ثلاث سنوات من التطوير، هذا اذا ما كانت كثيرة عليها. تطوير ألعاب كول أوف كل ثلاث سنوات خبر مفرح، لكن السؤال الكبير: هل بتتجرّأ آكتيفجن وتبدأ تغير من اللعبة بشكل أساسي؟ هذا أكثر سؤال يهمني.
وش رايك بقرار آكتيفجن الجديد تجاه السلسلة؟ ووش الأشياء اللي تحتاج آكتيفجن تغيّرها عشان تحس انها غيّرت شي يسوى في كول أوف دوتي؟
