المنتج التنفيذي دان أيوب، في ستديو تطوير 343 studios يقول ان لعبة كول أوف دوتي وتايتنفول، كلها “مدينة” لهيلو 2، وانها هي اللي أثبتت ان ألعاب الأونلاين ممكن تلعبها بشكل مناسب على جهاز منزلي.
دان أيوب من الناس اللي يشتغلون على لعبة Halo:The Master Chief Collection واللي بتنزل حصرياً على اكس بوكس ون، يقول دان: “رجعتي للعبة هيلو 2 عشان وشغلي عليها (يقصد مشروع اطلاقها على اكس بوكس ون) كانت ممتعة جدًا بالنسبة لي لأني دايم أحب أتكلم عن تجربتي مع لعبة هيلو الأولى واللي أثبتت لي ان ألعاب التصويب ممكن تشتغل بشكل جيد على الأجهزة المنزلية. أفكر في أطوار الأونلاين وكيف انها غيرت حياتي للأبد. أشوف ألعاب مثل كول أوف دوتي وتايتنفول وأقول: كل هالألعاب تدين تجربتها ومتعتها لهيلو 2. أعتقد ان هيلو 2 بالنسبة لي هي لعبة عظيمة”.
سلسلة Halo كانت من أوائل الألعاب اللي قدرت تنقل تجربة ألعاب التصويب وألعاب الأونلاين الى الأجهزة المنزلية بشكل صحيح ومناسب. قبل سلسلة هيلو كانت ألعاب التصويب موجودة على البي سي فقط، أو انها نزلت على الأجهزة المنزلية لكنها ما قدرت تطبق التجربة بشكل صحيح ومناسب.
اصدار Halo: The Master Chief Collection بيحتوي على الأجزاء الأربع الرئيسية للسلسلة، وبتنزل في 11-11-2014 حصرياً على اكس بوكس ون.
