مطوّر لعبة ديستني، Bungie في تحديثها الأسبوعي في موقعهم، ناقشوا اللعبة وخصوصاً موضوع مهمات الـ Raids (مهمات يسويها عدد كبير من اللاعبين وتكون أصعب من المهمات العادية، واذا فازوا فيها يحصلون على أشياء رهيبه)، المحتويات الإضافية والكثير.
أهم خبر تم إعلانه في تحديثتهم الاسبوعي هو إنك ما تحتاج تخلص الـ Raid في نفس اللعبة اللي انت داخلها، اللعبة راح تحفظ آخر شي وصلته خلال اسبوع، عشان تقدر انت وفريقك تكمل الـ Raid من مكان ما وقفتوا آخر مرة. عموماً أسبوعياً في يوم الثلاثاء بالتحديد راح تضطر إنك تبدأ من جديد بسبب إن يوم الثلاثاء راح يكون هو يوم التصفير ” Reset ” الأسبوعي للعبة.
الـ Raid تقدر تلعبة على صعوبتين .. مستوى الصعوبة العادي ومستوى الصعوبة العالي، مجرد ما إنك تخلص Raid على الصعوبة العآدية رآح تقدر تلعبه على الصعوبة الأعلى. الـ Raid على الصعوبة الأعلى طبعا ً راح يكونوا أعدائك أصعب، وقت أقصر لبعض الميكانيكيات – Bungie ماذكرت اي شي عنهم – وعقوبات أقسى عند موتك.
الـ Raids ما راح يكون فيه اي معلومات عن كيف تخلصها، ما راح يكون فيه طريق محدد تمشي عليه، ومافيه اي مهام تبين لك وش الخطوة التآلية .. راح تضطر تسأل اصحابك أو تبحث في النت عشان تعرف كيف تخلص هذا النوع من المهمات الصعبة.
رآح تحصل على أشياء رهيبة لما تقتل أعدائك خلال الـ Raids، ذكرت Bungie أن كل كلآس رآح يكون له معدات كاملة مخصصة له ورآح تسآعدك بشكل كبير عشآن تعدي في الصعوبتين العادية والعآلية. وأيضا النسخة الاسطورية من كل نوع سلآح راح تكون أيضا مصنوعة لكل Raid.
وهذا معناه إن الأسلحة والمعدات اللي تاخذها لما تخلص الـ Raid بتكون راجعة للأعداء الي قتلتهم خلال المهمة لذا توقعوا مظهر فريد من نوعه للأسلحة والمعدات، كل هذا و Bungie ما راح تقول لك وش راح تحصل لما تخلص هذا الـ Raid !
المكافئات اللي راح تحصلها من كل Raid، كل لاعب راح تكون مخصصة له مكافأة ” Loot ” يعني ما راح نتسابق عشان المكافآت اللي راح نحصلها ! وراح تحصل على المكافئآت في كل معركة مرة وحدة فقط لا غير ” قبل الـ Reset الاسبوعي ” وهذا ينطبق عالشخصية الا تلعب بها وقت الـ Raid فقط .. يعني تقدر تختار شخصية ثانية وتلعب الـ Raid وتحصل على مكافآت اكثر.
وش رأيكم بالمعلومات؟
