في مقابلة مع ستديو تطوير اللعبة، شرح مدير ستديو Bungie أسباب وجود محتويات اللعبة الاضافية على الديسك – الشي اللي يثير غضب اللاعبين.
في المقابلة، يقول مدير الاستديو ان الاضافات تم وضعها في الديسك عشان يقللون أحجام ملفات التحميل حقت الاضافات المستقبلية. يقول: “سواءً في أمريكا أو برا أمريكا، كميّة التحميل المسموحة لك ممكن تكون مشكلة. حتى أحجام الملفات اللي تقدر تخزنها على جهازك ممكن تكون مشكلة. عشان كذا قسّمنا ملفات الاضافات (يقصد جزء من الاضافات موجود وجزء منها ماهو موجود) ولهذا السبب قدروا بعض اللاعبين يدخلون مناطق جديدة في اللعبة ويلاحظون انها ماهي كاملة. هذي أماكن ما انتهى العمل عليها للآن”.
قبل فترة، بعض اللاعبين قدروا يدخلون أماكن جديدة في اللعبة، ولقوا ان الأماكن جاهزة ولكن ينقصها فقط وضع الأعداء في المرحلة.
وش رأيك في كلام مدير الاستديو؟
