محمد الشريف
تحديث: أكّد ستديو تطوير Bungie ان الاضافة القادمة للعبة ديستني، واللي بتكون باسم House of Wolves ما راح تحتوي على مهمة Raid جديدة. الأمر هذا ممكن يسبّب مشكلة لجمهور اللعبة، بما ان هذا النوع من المهمات يعتبر أهم شي في الاضافات أو اللعبة بشكل عام.
المحتوى الأصلي للموضوع:
كشف ستديو تطوير Bungie عن موعد اصدار الاضافة (أو التوسعة، عشان نكون أدق أكثر) الثانية للعبة Destiny واللي بيكون اسمها House of Wolves، بالاضافة الى اطلاق عرض تشويقي جديد.
موعد الاصدار بيكون في 19-5-2015، وبتنزل على بلايستيشن 3، بلايستيشن 4، اكس بوكس 360، اكس بوكس ون. هذا العرض التشويقي:
الاضافة هذي تسربت عنها معلومات كثيرة كتبنا عنها، من أهمها ان احتمال نشوف كوكب Reef يتم استخدامه كمكان اجتماعي مثل Tower اللي تشوف فيه لاعبين يشترون أشياء ويطورون أسلحتهم وياخذون مهمات وغيره. احتمال تحتوي الاضافة على 3 خرايط جديدة في طور الأونلاين، ومهمة Raid جديدة، ومئات الأسلحة والدروع.
أخيرًا، الاضافة بتكون قيمتها 20 دولار (في المتجر الأمريكي)، أو اذا كنت مشترك في season pass فراح تجيك هالاضافة ضمن الاشتراك.
وش توقعاتكم للاضافة؟ 🙂
بارعة
احمد خالد
أيمن اليغشي
