محمد الشريف
أعلن المطوّر Bossa Studios مطوّر لعبة Surgeon Simulator الشاطحة عن لعبة الجديدة باسم Worlds Adrift.
من البداية، أعلن المطوّر انه بيخلّي المعلومات قليلة ولا يبغى يتكلم عنها كثير، ويبغى يسوّي هذا الشي بالعاني. فيه عرض للعبة، هذا هو:
جميل رسم اللعبة، ولا؟
اللعبة بتكون لعبة جماعية، بحيث يلعبها أكثر من لاعب في وقت واحد. اللعبة بتركّز على عنصر الفيزيائية (physics) بشكل كبير، ويقول المطوّر ان سبب نجاح ألعابه القديمة هو تركيزه على عنصر الفيزيائية.
يقول المطوّر: “فكّر فيها، في ألعاب MMORPGs (ألعاب أونلاين آر بي جي يلعبها عدد كبير من الناس) والألعاب اللي تحتوي على طور team deathmatch ما تركّز كثير على عنصر الفيزيائية. هالألعاب مافيها لاعبين يتخابطون في بعضهم ويطيحون كلهم، مافيها شي مثل انك تقص شجرة وتطيحها على كائن موجود في اللعبة، مافيها شي مثل حادث سيارة يصير في وسط اللعبة بحيث يطير منها شظايا حديد تخبط في الناس الموجودين. هذي الأشياء ماهي موجودة في الألعاب الجماعية، قررنا اننا نركز على هالعنصر بالذات ونحاول نشوف وش بيصير”.
رهيب كلامه، تحس انه يبغى يركّز على عنصر جديد، بدل ما يسوّي شي متكرر.
وش توقعاتك للعبة الجديدة؟
محمد ليلة
بارعة
أحمد قربان