أخبار

كنا نحسب ان لعبة BloodBorne ما فيها دروع ابد، لكن يبدو ان هالكلام غلط

bloodborne

ستديو سوني  اليابان اكد ان لعبة بلودبورن (Bloodborne) راح تحتوي على دروع، الاستديو اعلن عن هذا الشي بعد ماشاف كثير من اللاعبين يخمنوا ان ماراح يكون فيه دروع. الدروع كانت تلعب دور مهم جدا في سلسلة العاب سولز السابقة. لكن على الرغم من مقاطع اللعبى الكثيرة اللي نزلت عن لعبة بلودبورن الا ان مافي ولا مقطع من هذي المقاطع كان يحمل فيها اللاعب سلاح دفاعي. وغالبا لما اللاعبين يسألوا الناشر او المطور عن الدروع يقولوا هممممم على السؤال ومايردوا،في احتمالية انهم كانوا لسه بيقرروا يضيفوها ولا لا.

المهم ان منتج ستديو سوني في اليابان اللي اسمه ماساكي ياماقيوا (Masaaki Yamagiwa) قال ان الدروع موجودة لكن راح يكون فيها بعض القيود، قال ماساكي: “اذا كنت دايما تتكي في الخلف وتدافع، هذا يعني انك راح تموت مرة بسرعة. لذلك لازم انك تدمج الدروع مع استراتيجيتك في اللعب و في طريقة قتالك ولعبك.”

كمل ماساكي: “احنا نبغا نشجع اللاعبين انهم يبطلوا يجلسوا في الخلف و ينتظروا، و بدل كذه نبغاهم يكونوا اكثر عدوانية واكثر حضور في القتال.”

الى الان فكرة ان الدروع ضعيفة مو واضحة، ممكن انهم راح يضعفوا قوة بعض الدروع في المستقبل. او ببساطة ممكن ان الدروع ماتتحمل نفس عدد الضربات اللي المفروض تتحملها. ممكن اتوقع ان اللعبة تضعف الدروع بخلطة بين السببين اللي قبل -ياانهم يضفعو الدروع او ان الدرع مايستحمل للضربات الكثيرة-. لكن من الجانب الاخر اللعبة فيها اشياء كثير جديدة ماقد شفناها في اي لعبة من اجزاء سلسلة سولز.

واذا لازلت متردد تقدر تشوف المقطع الرهيب اللي نزل عن اللعبة واللي كبتنا رأينا عنه.

اش رايكم بالخبر وهل متحمسين للعبة جدا ولا عادي؟

الوسوم
اظهر المزيد

أحمد قربان

طالب جامعي ، يدرس في جامعة الملك عبدالعزيز بجدة ، تخصص هندسة صناعية ، اعشق العاب البلايستيشن و مدمن فيفا ، احب العاب الاكشن و المغامرات واي لعبة فيها كريتفتي او شيئ جديد
إغلاق