يزيد السويري
لعبة Bloodborne بتنزل رسميا بكرة إن شاء الله وراح يكون فيه تحديث مهم أول ما تشغل اللعبة حجمه 2.69 قيقا لازم تثبته إذا بغيت تلعب أونلاين.
التحديث رقمه 1.01 وبيصلح عدة مشاكل في اللعبة ويحسن أداء اللعبة بشكل عام ويضيف مغارات جديدة من نوع Chalice Dungeons والأهم من ذا كله أن التحديث بيكون مطلوب عشان تلعب أونلاين. وراح تفتح سيرفرات اللعبة بكرة إن شاء الله.
أحد التعديلات اللي تقدر تسويها في اللعبة هو إنك تقدر تختار الإسم اللي يطلع للناس وأنت تلعب أونلاين. تقدر تختار إسم شخصيتك أو إسم حسابك للعرض وأنت تلعب أونلاين. بالنسبة للي شرو اللعبة رقمي بيكون حجم اللعبة حول 30 قيقا تقريبا ولازم يكون عندك على الأقل مساحة 41 قيقا فاضية على جهازك.
طبعا اللعبة ما شاء الله وصلت عندنا وأغلبكم يلعبها الآن لكن في كلام في النت أن وقت التحميل في اللعبة طويل يعني إذا مت في اللعبة يبيلك تنتظر حوالي 30 ثانية على بال ما تحمل اللعبة وترجع تلعب وهذا شيء مزعج خاصة أن الشخص بيموت في اللعبة اكثر من مرة بما أنها صعبة وهذا ممكن يقتل الحماس مع الوقت ويسبب طفش.
هنا يجي سؤالي لكم يا شباب كيف اللعبة معكم حتى الآن وهل فعلا وقت التحميل طويل في اللعبة؟ شاركونا أرائكم في التعليقات.
احمد خالد
بارعة