محمد الشريف
تم اعلان جدول حدث Blizzcon، وهو حدث خاص باستديو تطوير بليزارد يعلنون فيه عن ألعابهم واضافتهم ومشاريعهم. الملفت للانتباه ان الجدول فيه فترة ما أعلنوا وش بيصير فيها، وتاركينها فاضية.
الفترة الفاضية هذي مدتها ساعتين، من 12 الظهر الى 2 الظهر بتوقيتهم. المثير للاهتمام أكثر ان فيه أحد مساحة معينة داخل الحدث ما تكلموا عنها ولا قالوا عنها شي، لكن هذا شي غير مؤكد للآن.
كل الاشارات هذي خلّت البعض يتوقع ان بليزارد عندهم مفاجأة بيعلنون عنها، احتمال تكون لعبة جديدة، أو على الأقل اضافة لأحد ألعابهم.
برضه من الاحتمالات ان الفترة الفاضية هذي هي مجرد استراحة للحاضرين وللمنظمين، بحيث يحطون بعض الأحيان فترات راحة. أضف الى ذلك ان فيه اضافة Warlords of Draenor للعبتهم المعروفة وورلد أوف ووركرافت، ولا يبغون الناس يتشتت انتباهها بين الاضافة واللعبة الجديدة.
عموماً، كل هذي مجرد توقعات، الحدث بيصير في 7-11-2014 لمدة يومين. وش توقعاتك لهذا الموضوع؟
احمد خالد
بارعة
