أخبار

متحمس لديابلو 3 على أجهزة الجيل الجديد؟ فيديو جديد لنسخة بلاي ستيشن 4 المفروض يحمّسك لها

diablo3coverpic

أطلق مطوّر لعبة ديابلو 3: ريبرز أوف سولز (Diablo 3: Reapers of Souls) فيديو لنسخة بلاي ستيشن 4، بالاضافة الى بعض المعلومات اللي كان بعض اللاعبين يتساءلون عنها، خصوصاً اللي لعبوا اللعبة.

بالنسبة للمعلومات، فهذي هي:

  • بامكانك نقل شخصيتك من جهازك السابق (بلاي ستيشن 3، اكس بوكس 360) الى نسخة الأجهزة المنزلية الجديدة بلاي ستيشن 4، اكس بوكس ون).
  • بامكانك تنقل شخصيتك من جهازك الجديد الى جهازك القديم (العكس). مدري من بيسوي كذا لكن حطوها لك.
  • كل نسخ اللعبة الأربعة بيكون فيها طور تعاوني لأربع لاعبين في شاشة وحدة (ماهي مقسومة الى أربع أقسام)، وكلها بيكون فيها لعب عن طريق الانترنت.
  • طور باسم Apprentice يساعد اللاعبين أصحاب المستويات الضعيفة (low level) في التطوّر اذا لعبوا مع أخوياهم اللي مستوياتهم عالية بالنسبة لهم.

أما بالنسبة للفيديو فهذا هو:

شكله حماس. ناوي أشتري اللعبة على اني لعبتها وخلصتها على بلاي ستيشن 3. لكن الاضافة الجديدة Reapers of Souls الكل يمدحها مدح غير طبيعي، أضف الى هذا اني ما حللت طور القصة بالشكل المطلوب.

بتنزل اللعبة في 19-8-2014 على بلاي ستيشن 4 واكس بوكس ون، بينما نزلت اللعبة من زمان على بلاي ستيشن 3 واكس بوكس 360 وبي سي.

هل ناوي تشتري ديابلو 3 على جهازك المنزلي الجديد؟

الوسوم
اظهر المزيد

محمد الشريف

كاتب ومدير تحرير موقع سعودي جيمر. أعشق ألعاب الفيديو من يومي صغير (ايه كلنا كذا)، أحب ألعاب التخفّي والرعب، وأعشق سلسلة Metal Gear ولعبة Silent Hill وICO.
إغلاق