Journey (جيرني)
نزلت على: PS3
الموسيقى، من أكثر العناصر اللي تعلق في ذاكرة اللاعبين، ومن أكثر العوامل اللي تخلّي اللاعب يحب لعبة معينة. في كل سنة تنزل ألعاب جديدة، ولكن هل في كل تنزل لعبة تعلق في ذاكرتنا الموسيقى اللي فيها؟ طبعاً لا، ولكن هذي السنة، سوني قدمت للاعبين تحفة فنيّة نفخر فيها مو عشاننا لعبناها، ولكن نفخر فيه كمنتج من عالم الألعاب. الموسيقى التصويرية في جيرني، كانت أقرب الى المستحيل انك توصف روعتها للناس، ولا تقدر توفي حق الموسيقى اللي فيها لأي شخص الا اذا قدرت تقنعه يشغل اللعبة ويلعبها ويعيش الموسيقى اللي فيها.
الموسيقى اللي تشتغل معك في بداية اللعبة وانت في الصحراء، أو الموسيقى الي تشتغل معك في اللقطات السريعة، أو الموسيقى اللي تشتغل معك وأنت تحاول تتفادى الهجمات، أو الموسيقى اللي تشتغل وانت.. خلاص انتهينا، الموسيقى التصويرية ما راح نخلص من اعجبانا فيها ولو كتبنا فيها كتب.على ان في كل جائزة نتناقش ونتجادل في الفائز، الا ان الجدال بين فريق العمل كان محسوم في هذي الجائزة، لصالح جيرني طبعاً.
وش كانت أفضل موسيقى تصويرية بالنسبة لك هذي السنة؟ شاركنا برأيك!
موسيقى من اللعبة:
