Saudi Gamer
من أشهر أنواع الألعاب على الاطلاق، وفي الجيل الأخير انتشرت انتشار كبير وصارت تنافس ألعاب التصويب واللي ماكل ثلاث أرباع السوق في السنوات الأخيرة.
من ضمن المرشحين للجائزة هذي السنة لعبة Tales of Xillia، اللعبة اللي أعادت شي كبير للسلسلة اللي تخبطت في بعض أجزاءها، وأعطتنا تجربة آر بي جي يابانية جميلة. Diablo III على الأجهزة المنزلية كان لها ظهورها الكبير هذي السنة بعد ظهورها الجبّار على البي سي قبل سنة، وأعطتنا تجربة ممتازة جداً بعد ما كان الكثير يتساءل عن كيفية لعب اللعبة على يد تحكّم جهاز منزلي.
Fire Emblem: Awakening من أبرز ألعاب الآر بي جي اللي نزلت هذي السنة، وأعجبتنا بشكل كبير جداً، لدرجة اننا أعطيناها تقييم أسطورية! برضو لعبة Pokemon X/Y اللي سببت حالة استنفار لمن نزلت، الكل صار يشتريها، والكل صار يشتري الجهاز عشانها.
كل هذي الألعاب ما أعطتنا التجربة الجميلة اللي عشناها في Ni Nu Kuni: Wrath of the White Witch واللي عيّشتنا من أجل التجارب هذي السنة. أعادت هذي اللعبة الذكريات الجميلة لألعاب الآر بي جي اليابانية اللي كنا نعيشها من زمان، وأعادت جزء لا بأس منه للمطوّر الياباني اللي هبط مستواه بشكل مخيف هذا الجيل.
كل هالأشياء خلّتنا نفضّل Ni Nu Kuni على باقي ألعاب الآر بي جي اللي نزلت هذي السنة، واخترناها كأفضل لعبة آر بي جي!
وش رأيك بلعبة Ni Nu Kuni؟ ووش أفضل لعبة آر بي جي بالنسبة لك هذي السنة؟ شاركنا رأيك في التعليقات!
