أفضل ألعاب 2013

أفضل لعبة جهاز ألعاب محمول (أفضل ألعاب 2013)

handheld

سنة كبيرة جداً لأجهزة الألعاب المحمولة، ونقصد بأجهزة الألعاب المحمولة بلاي ستيشن فيتا (PS Vita) والعدس (3DS). اللي عنده أحد هالجهازين يعرف الكم الهائل من الألعاب الخرافية اللي نزلت هالسنة عليه.

Persona 4: The Golden كانت قنبلة على الفيتا، واعتبرها الكثير انها أفضل لعبة فيتا، وانها أخيراً اللعبة اللي تستاهل تشتري فيتا عشانها. نزلت بعدها Fire Emblem: Awakening على الثري دي إس وكانت… أسطورية!

قبل كم شهر نزلت لعبة Pokemon X/Y على العدس برضو، مجرد ذكر ان ملايين الناس اشتروا الجهاز كامل بس عشان اللعبة يكفيها. اللعبة كانت اصدار أساسي، وهذا شي كان ينتظره الكثير من عشاق اللعبة، بعد ما استمرت السلسلة في اصدار أجزاء فرعية يعتبرها الكثير مجرد حلب لها.

ولكن، مع نزول كل هالألعاب الخرافية واستمتاعنا الكبير لها، الا انها ما وصلت لدرجة استمتاعنا باللعبة الخارقة Tearaway، واللي اتفق عليها الكثير من الناس ان هذي اللعبة اللي تستاهل انك تشتري الفيتا عشانها. اللعبة كانت عبارة عن تحفة فنية قدمتها لنا سوني. عالم اللعبة الورقي، القصة، بساطة التحكم، تصميم المراحل، الموسيقى التصويرية، كل هالأشياء تركتنا مذهولين بالتجربة الخرافية اللي لقيناها في اللعبة.

لذلك، اخترنا هاللعبة الأسطورية كأفضل لعبة جهاز ألعاب محمول هذي السنة!

وش رأيك في لعبة Tearaway؟ ووش أفضل لعبة جهاز ألعاب محمول بالنسبة لك هذي السنة؟ شاركنا رأيك في التعليقات!

الوسوم
اظهر المزيد

Saudi Gamer

اذا شفت اسمي هنا فمعناتها أن الموضوع اشتغل عليه أكثر من واحد من فريق العمل، أو انه تصريح رسمي باسم الموقع. بس لا تخلي هالشي يمنعك من انك تتابعني في تويتر وانستقرام. عادي لا تستحي.
إغلاق