أحسن لعبة استراحات في عام 2014

الفائز في جائزة أحسن لعبة استراحات في 2014 هي لعبة Mario Kart 8. نزلت اللعبة حصرياً على Nintendo Wii U.

لعبة استراحات، أو الألعاب الجماعية، وهي ألعاب تصلح لمجموعة من اللاعبين يجتمعون في مكان -استراحة مثلاً- ويلعبون مع بعضهم

هذا النوع من الألعاب صعب، وقدرنا نختار أفضل المرشحين اللي لعبناهم هذي السنة:

• Mario Kart 8
• Sports Friends
• TowerFall: Ascension
• Super Smash Bros.

لعبة سبورتس فريندز من الألعاب الجماعية الرهيبه واللي تضحّك وتوسّع الصدر، فكرتها البسيطة والجميلة ممكن تخلّيك أنت وأخوياك تدمنون عليها لفترة طويلة.

أما بالنسبة لسوبر سماش، فهذي لعبة متعارف عليها ولا عليها غبار، وهي لعبة مضاربات من الطراز الهاردكوري واللي تحتاج مهارة. هذا النوع من الألعاب متخصصين فيه ننتيندو، ويتميزون فيه في كثير من ألعابهم.

أخيرًا، بالنسبة لماريو كارت، فهي أحسن لعبة استراحات شفناها، لعبناها كثير واستمتعنا فيها متعة كبيرة. اللعبة ما تطلب منك انك تكون فنان مره، فقط تحتاج تتعود شوي على اللعبة وتقدر تنافس أخوياك فيها. غير كذا اللعبة فيها شخصيات كثيرة ومتنوعة، بالاضافة الى مراحل كثيرة ومختلفة عن بعضها بحيث تعيشك تجربة أطول وأمتع.

لهذي الأسباب، اخترنا ماريو كارت كأحسن لعبة استراحات لعام 2014.

وش أفضل لعبة استراحات بالنسبة لك هذي السنة؟