ونقصد فيها الألعاب اللي تشتريها عن طريق الانترنت (downloadable games)، اما عن طريق الاكس بوكس لايف أو شبكة بلاي ستيشن أو ستيم وغيرهم.
الألعاب القابلة للتحميل انتشرت بشكل كبير، لدرجة انها صارت تهدد وجود الديسكات. فيه تنبؤات كثيرة بانتهاء عهد الديسكات وان عهد شراء محتويات على الانترنت بيحل محلها بشكل كامل. في كل سنة نشوف الناس تميل لشراء المحتويات عن طريق الانترنت أكثر وأكثر.
نزلت هذي السنة ألعاب قابلة للتحميل كثيرة، أبزرها لعبة Hotline Miami واللي أبهرتنا بطريقة لعبها الخرافية، بالاضافة الى الموسيقى الرائعة الموجودة فيها. Resogun أبهرتنا بنفس الطريقة تماماً، طريقة لعب ادمانية مخلوطة مع موسيقى تصويرية ممتازة.
غير كذا عندنا لعبة Lone Survivor اللي برضو أبهرتنا بأجواءها اللي ذكرتنا كثير بلعبة سايلنت هيل، وقصتها العميقة واللي تنتهي نهاية أروع من الرائعة. أخيراً عندنا لعبة Guacamelee واللي أبهرتنا بأسلوبها الجذاب وطريقة لعبها الممتازة.
كل هذي الألعاب اللي ذكرناها رهيبة، رهيبة لكنها ما وصلت الى مستوى رهابة لعبة The Wolf Among Us! أبهرتنا هذي اللعبة على ان ما نزل منها الا حلقة وحدة للآن، الا ان التجربة اللي اخذناها منها كانت موازية لألعاب كاملة، ويمكن حتى أكثر.
The Wolf Among لعبة نادرة، مستحيل تلعب مثل هاللعبة كل سنة. وعشان هالأسباب، بالاضافة للأسباب المذكورة فوق، اخترناها كأفضل لعبة قابلة للتحميل في هذي السنة!
وش رأيك في لعبة The Wolf Among Us؟ ووش أفضل لعبة قابلة للتحميل بالنسبة لك هذي السنة؟ شاركنا رأيك في التعليقات!
