الفائز في جائزة أفضل اضافة في 2014 هي اضافة Dark Souls II باسم The Lost Crowns. نزلت اللعبة على بلايستيشن 3، اكس بوكس 360، بي سي، وبتنزل على بلايستيشن 4 واكس بوكس ون.
الاضافات صارت شي شبه أساسي في الألعاب، بحيث ما صرنا نستغرب ان فيه اضافات بتجي للعبة معينة. كثير من الاضافات للأسف تكون مجرد زيادات غير ضرورية للعبة، هدفها يكسبون فلوس أكثر. لكن هذا ما يعني ان كل الاضافات سيئة، لان فيه اضافات كانت فعلاً تضيف شي كبير للتجربة.
المرشحين للجائزة هم:
- inFAMOUS First Light
- Dark Souls II – The Lost Crown
- Outlast – The Whistleblower
- Mario Kart 8 – DLC Pack 1
اضافة فيرست لايت لانفيموس كانت اضافة رائعة للعبة، بحيث استمتع فيها أحمد الأحمري وقيّمها لنا، وأضافت لتجربته للعبة اضافة رائعة. واضافة The Whistleblower للعبة آوتلاست كانت من أفضل الاضافات اللي لعبناها، وفعلاً أضافت شي كبير للعبة، لدرجة ان البعض قال ان قصتها أفضل من قصة اللعبة الأساسية! اضافة ماريو كارت 8 أضافت محتوى كبير للعبة، وكانت من أكثر الاضافات اللي تضيف لك محتوى في اللعبة.
أما بالنسبة لاضافة دارك سولز 2 فكانت الأفضل، لانها كانت اضافة كبيرة -أو توسعة- مقسومة الى ثلاث أقسام، بحيث تدخل الى مناطق جديدة في اللعبة من خلال مفتاح يعطونك اياه اذا اشتريت الاضافة، ومن هناك تبدأ مغامرتك الرائعة مع الاضافات. الاضافات الثلاث احتوت على محتوى هائل استمتعنا فيه، واعتبرناها أفضل اضافة لعبناها في السنة.
وش أفضل اضافة لعبتها هذي السنة؟
