Saudi Gamer343 Industries (مطوّر لعبة Halo 4)
مطوّر لعبة Halo 4، نزلت على: Xbox 360 | اقرا تقييمنا للعبة
مطوّري ألعاب الفيديو، من أكثر الناس اللي تعاني في حياتهم الوظيفية، ومن أكثر الناس اللي يواجهون تحديات ورا تحديات، وهم غالباً المتّهم الأول اذا كانت اللعبة سيئة، وغالباً ما ينسى اللاعبين ان المطوّر له أسباب كثيرة جداً في حال فشله.
على كثر التحديات والصعوبات اللي يواجهها بعض المطورين، الا ان الكثير منهم أثبت جدارته وقوّة ارادته وحبّه للمغامرة. السنة هذي شفنا عدد لا بأس فيه من المطورين المبدعين، ولكن أصابع اختيارنا كفريق عمل طاحت على مطوّر خالف جميع التوقعات. ومو بس كذا، لكنه نقل السلسلة اللي استلم تطويرها الى اتجاه جديد تحت الكثير من التغييرات الجريئة. 343 Studios، استديو التطوير الجديد اللي حمل على عاتقه تطوير لعبة تعتبر من أهم الألعاب في العالم، وبعد اعادة اصدار الجزء الأول لهيلو اللي ما كان قد المستوى، فجّر جميع ابداعاته في الجزء الرابع لسلسلة هيلو وأسكت كل المتشائمين. هيلو 4، كانت من الألعاب النادرة جداً اللي تحافظ على نجاحها على ان مطوّرها الأساسي تم تغييره، وهذا الشي اللي يخلي أكثر اللاعبين يتشاءمون من السلسلة، ومن الألعاب النادرة اللي أخطاءها التقنية قليلة جداً، هذا من غير ذكر مستوى اللعبة من جميع النواحي كقصة وطور تعدد لاعبين وغيرها. بناءاً على هذي الانجازات الساحقة، استحق استديو 343 الفوز بلقب أفضل مطوّر لهذي السنة!
وش كان أفضل مطوّر بالنسبة لك هذي السنة؟ شاركنا برأيك في التعليقات!
فيديو عن المطور:
احمد خالد
بارعة
