Saudi GamerBorderlands 2 (بوردرلاندز 2)
نزلت على: PS3, Xbox 360, PC | اقرا تقييمنا للعبة
عناصر اللعب التعاوني صار عنصر تسويقي في هذا الجيل، وجميع الشركات تحاول تضيف هذا العنصر الصعب وتطبقه بشكل صحيح وتسوي له دعاية ولكن نادراً ما ينجح. السنة هذي، نزلت لنا وحدة من أفضل الألعاب اللي فيها طور تعاوني على الاطلاق. بوردرلاندز ٢، دائماً ما تسمع الناس يقولون لك: “اذا عندك أحد تلعبها معه بتستمع فيها بشكل غير طبيعي”، وكأن عنصر اللعب التعاوني صار مرتبط بهذي اللعبة وصارت أفضل مثال له.
في بوردرلاندز 2، تقدر تلعب طور القصة المتميز بالفكاهية والوناسة والضحك من أوله الى آخره مع أخوياك، لذا فأنت بتعيش تجربة طريفة جداً مع المواقف المضحكة في اللعبة مع أخوياك. هذا طبعاً بالاضافة الى العناصر الكثيرة التعاونية اللي شفناها مثل طريقة تبادل الأسلحة والفلوس، حتى المهمات اللي تخلصها مع واحد أخوياك تنحسب لك في لعبتك! وهذا الشي نادراً ما نشوفه في الألعاب اللي تدعم الطور التعاوني في القصة. بناءاً على هذي العناصر، استحقت بوردرلاندز 2 انها تفوز بجائزة أفضل لعبة أونلاين تعاوني في 2012.
وش كانت أفضل لعبة أونلاين تعاوني بالنسبة لك؟ شاركنا برأيك!
فيديو اللعبة:
احمد خالد
أيمن اليغشي