أفضل لعبة أونلاين تنافسي في 2014 هي لعبة Titanfall. نزلت اللعبة على اكس بوكس ون، اكس بوكس 360، بي سي.
مثل الألعاب التعاونية اللي تكلمنا عنها، فألعاب الأونلاين ما تقل أهميّة عنها، هذا اذا ما كانت اهم. ألعاب الأونلاين كبرت بشكل كبير في الجيل اللي راح والجيل الجديد.
السنة هذي نزلت ألعاب أونلاين تنافسية كثيرة ورهيبه، خلونا نلقي نظرة على مرشحين هذي السنة:
- Call of Duty: Advanced Warfare
- Hearthstone
- Titanfall
- Plants vs Zombies
بلانتس فيرسز زومبيز كانت طريفة من ناحية انها وظفت عالم اللعبة بشكل تنافسي وكأنها لعبة تصويب، بينما رجعت كول أوف دوتي – وحدة من أشهر ألعاب الأونلاين- الى مكانها الطبيعي في المنافسة بعد ما تأثر مستواها في السنة الماضية. أما بالنسبة لهارثستون فكانت تجربة جديدة علينا بما انها لعبة بطاقات، ولكن مستوى التنافس فيها كان رائع.
أما بالنسبة للعبة Titanfall، فهي أكثر لعبة أونلاين استمتعنا فيها هذي السنة. مستوى التنافس فيها كان رائع جدًا، سرعة تحكّم وبساطة كول أوف دوتي مدموجة في عالم مستقبلي فيه آليات. الوقت اللي قضيناه في هاللعبة كان أكثر من أي لعبة أونلاين ثانية.
وش اختيارك الشخصي لأفضل لعبة أونلاين تنافسي؟
